ኣዲስ ኣበባ፣ 16 ሕዳር፣ 2017 (ኤፍ ቢ ሲ)ግብፃዊ ኮከብ ሞሓመድ ሳላህ ጋንትኡ ሊቨርፑል ክሳብ ሕዚ ኩንትራት ንምንዋሕ ሕቶ ብዘይምቕራባ ከምዝሓዘነ ኣፍሊጡ፡፡
ሳላህ ንቢቢሲ ኣብ ዝሃቦ ርኢቶ÷ ምስ ጋንታ ሊቨርፑል ዘለዎ ኮንትራት ኣብ መወዳእታ እዚ ዓመት ክምዝዛዘም ኣልዒሉ፡፡
ይኹን እምበር ኣብ ሊቨርፑል ንኽፀንሕ ዝኾነ ዓይነት ሕቶ መናውሒ ውዕሊ ከምዘይቀረበሉ ኣብሪሁ፡፡
“በዚ ድማ ኩነታት እንትረአ ኣብ ሊቨርፑል ካብ ምፅናሕ ብዝበለፀ ከምዝለቅቕ ዘመላኽቱ ኢዮም” ኢሉ ሞ ሳላህ፡፡
ወዲ 32 ዓመት ተፃዋታይ ከም ኣቆፃፅራ ኣውሮፓውያን 2017 ካብ ጣልያናዊት ጋንታ ሮማ ናብ ሊቨርፑል ካብ ዝፅምበር ንደሓር ቀዳማይ ኮኸብ ተፃዋታይ ኮይኑ ቀፂሉ፡፡
ኣብዚ ዓመት ብኩሎም ውድድራት 12 ሸቶታት ከመዝግብ ክኢሉ ኢዩ፡፡
ሊቨርፑል ንርኢቶ ሞ ሳላህ ብዕሊ ዝበሎ ነገር ከምዘየለ ኣብቲ ፀብፃብ ተሓቢሩ፡፡