ም/ቀ/ሚ ኣይተ ደመቀ መኮንን ምስ ሚኒስትር ጉዳያት ወፃኢ ሜክሲኮ ተዛቲዮም

ኣዲስ ኣበባ ፣ 2 ሓምለ፣ 2013 (ኤፍ ቢ ሲ)ምክትል ቀዳማይ ሚኒስተርን ሚኒስተር ጉዳያት ወፃኢን ኣይተ ደመቀ መኮንን ምስ ሚኒስትር ጉዳያት ወፃኢ ሜክሲኮ ማርሴሎ ኢብራርድ ተዛቲዮም።

ኣብ መንጎ ክልቲአን ሃገራት ዘሎ ናይ መትሕብባር ዓውዲ ብምስፋሕ ርክበን ብዝበለፀ ኣጠናኺርካ ምቕፃል ከምዝግባእ ኣብቲ ዘተ ተገሊፁ።

ኣብ ክሊ ህዳሰ ግድብ ኢትዮጵያ ኣድሂቡ ኣብ ዝተገበረ ዘተ ድማ፥ ብኣደራዳሪነት ሕብረት ኣፍሪካ ዝግበር ሰለስቲኣዊ ድርድር ብምቕፃል መፈትሒ ምሃብ ከምዝከኣል ተሓቢሩ።

ኣይተ ደመቀ ኣብ ትግራይ ዘሎ እዋናዊ ኩነታት ብዝምልከት ኣብ ዝሃብዎ መብርሂ፥ ኣብቲ ክልል ተፈፂሞም ዝበሃሉ ሰብኣዊ ግህሰታት ብኮሚሽን ሰብኣዊ መሰል ኢትዮጵያን ትካል ሰብኣዊ መሰል ውድብ ሕቡራት መንግስታትን ብሓባር ምርመራ ይግበር ከምዘሎ ገሊፆም።

ነዚ እወንታዊ ስጉምቲ ኣብ ግምት ዘየእተወ ፅዕንቶ ግን ተቐባልነት የብሉን ብምባል ምግላፆም ካብ ቤት ፅሕፈት ኣቐባሊ ቃል ሚኒስቴር ጉዳያት ወፃኢ ፌዴሪኢ ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።