ምምስራት ፋና ሚዲያ ኮርፖሬሽን ውፅኢት ኣተሓሳስባ ምድማር ኢዩ- ዲ/ን ዳንኤል ክብረት

ኣዲስ ኣበባ፣ 26 ሕዳር፣ 2017 (ኤፍ ቢ ሲ)ዋልታ ሚዲያን ኮሙኒኬሽንን ኮርፖሬትን ፋና ብሮድካስቲንግ ኮርፖሬትን ብምውሃድ ፋና ሚድያ ኮርፖሬሽን ኣ.ማ ምምስራት ውፅኢት ኣተሓሳስባ ምድማር ኢዩ ክብሉ ኣማኻሪ ሚኒስትር ማሕበራዊ ጉዳያት ቀዳማይ ሚኒስትር ዲያቆን ዳንኤል ክብረት ገሊፆም።

መርሃ ግብሪ መብሰሪን መጀመሪ ስራሕን ፋና ሚዲያ ኮርፖሬሽን ኣብ ግራንድ ኤሊያና ሆቴል ይካየድ ኣሎ።

ኣብቲ መርሃ ግብሪ፥ ብመዓርግ ምክትል ቀዳማይ ሚኒስትር ሓላፊ ማእኸል ምትሕብባር ህንፀት ስርዓት ዴሞክራሲን ምክትል ፕሬዚዳንት ፓርቲ ብልፅግናን ኣደም ፋራህ፣ ሚኒስትር ኣገልግሎት ኮሚኒኬሽን መንግስቲ ለገሰ ቱሉ፣ ሚኒስትር ቱሪዝም ሰለማዊት ካሳ፣ ኣማኻሪ ሚኒስትር ማሕበራዊ ጉዳይ ቀዳማይ ሚኒስትር ዲያቆን ዳኒኤል ክብረት ተረኺቦም።

ብተወሳኺ ኣመራርሓ ሚዲያ፣ ሰራሕተኛታት፡ ተሓባበርቲ ኣሰናዳእቲ፣ መሻርኽቲ እቲ ሚዲያን ፃውዒት ዝተገበረሎም ኣጋይሽን ተረኺቦም።

ዲያቆን ዳንኤል ክብረት፥ ማዕረ ኢትዮጵያ ንኢትዮጵያ ምገላፅ ንምኽኣል ብምሕሳብ ነኒበይነን ክንቀሳቐሳ ዝፀንሓ ክልተ ሚዲያታት ብምውሃድ ሓደ ኮይነን ኣለዋ ኢሎም።

ብዮናስ ጌትነት