ኣዲስ ኣበባ፣ 20 መጋቢት፣ 2015( ኤፍ ቢ ሲ)ምምሕዳር ከተማ ኣዲስ ኣበባ ኣብ ዞባ ኮንሶ ብድርቂ ንዝተጎድኡ ወገናት ዝውዕል 50 ሚሊየን ብር ዘውፅእ ሓገዝ ዓይነት ገይሩ።
እቲ ሐገዝ ካብ ሰብ ሃፍቲ እታ ከተማ ዝተኣኻኸበ እንትኸውን፥ ዝተፈላለዩ ሃነፅቲ ምግቢታት ዘካተተ ከምዝኾነ ተገሊፁ።
ከንቲባ ከተማ ኣዲስ ኣበባ ኣዳነች ኣቤቤ እቲ ሓገዝ ኣብ ዘረከባሉ እዋን፥ “ብድርቂ ንዝተጎድኡ ዜጋታት ዞባ ኮንሶ ዝተገበረ ሓገዝ ኣብ ጎኖም ምዃንና ንምርኣይ ኢዩ” ኢለን።
እቲ ሓገዝ ዝተረከቡ ዋና ዳይሬክተር ምምሕዳር ድሕንነት መርበብ ሓበሬታን ኢንፎርሜሽን ሰለሞን ሶካ ብግደኦም፥ እቲ ምምሕዳር ከተማ ንዝገበሮ ሓገዝ ኣመስጊኖም።
ኣብ ቀፃሊ ዝግበሩ ሰብኣዊ ሓገዛት ተጠናኺሮም ንኽቕፅሉ እውን ሓቲቶም።
ኣብ ዞባ ኮንሶ ብዘጋጠመ ድርቂ ልዕሊ 227 ሺሕ ዜጋታት ህፁፅ ሓገዝ ምግቢ ከምዘድልዮም ተገሊፁ።
ብኣለምሰገድ ኣሳዬ
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube