ምልኣተ ጉባኤ ቅዱስ ሲኖዶስ ኦርቶዶክስ ተዋሕዶ ቤተክርስቲያን ኢትዮጵያ ይሳለጥ ኣሎ

ኣዲስ ኣበባ፣ 12 ጥቅምቲ፣ 2016 (ኤፍ ቢ ሲ)ምልኣተ ጉባኤ ቅዱስ ሲኖዶስ ኦርቶዶክስ ተዋሕዶ ቤተክርስቲያን ኢትዮጵያ ይሳለጥ ኣሎ።

እቲ ጉባኤ መንፈሳዊ፣ ማሕበራዊን ኢኮኖሚያዊን ዛዕባታት ብዝምልከት ዘተ ዝግበረሉን ውሳነ ዝወሃበሉን ከምዝኾነ ተሓቢሩ።

ነቲ ምልኣተ ጉባኤ ብፀሎት ዝኸፈቱ ፓትርያርክ ኦርቶዶክስ ተዋሕዶ ቤተክርስቲያን ኢትዮጵያ ብፁእ ወቅዱስ ኣቡነ ማትያስ፥ ፅንዓትን ጥንካረን ሃይማኖት ቀደሞት ኣቦታትና ናይ ምኽባርን ምድጋምን ሓላፍነት እቲ ጉባኤ ክዋፃእ ኣለዎ ኢሎም።

እታ ቤተ ክርስቲያን ዘለዋ ሓይሊ ሰብ ብቃለ ወንጌል ምህናፅ፣ ምሕደራን ኣተሓሕዛ ሃፍቲን ብዝግባእ ኣብ ምጥቃምን ምህናፅን ከምእትሰርሕ እውን ተዛሪቦም።

ተልእኾ ዘበን እቅበተ ንዋይ፣ እቅበተ ሃይማኖት፣ ስልጠናን ትምህርትን፣ ገዳማትን ቱሪዝምን፣ ፍሪያትን ሃፍቲ ተፈጥሮን፣ ሴክተር ፋይናንስን ስብከተ ወንጌልን መሰረት ብዝገብር ጥበብ ኣሰራርሓን ኣመራርሓን ብምሕጋዝ፣ ሀዝብና ኣብ ጎንና ብምስላፍ እንሰርሓሉ እዋን ኢዩ አሎም።

ህዝቢ ዝብህጎ ሰላምን ሓድነትን ንምምፃእ ጉልበት እታ ቤተክርስቲያን ልዑል ብፅሒት ከምዘለዎ ብምግላፅ፥ እታ ቤተ ክርስቲያን ኣድልዎ ብዘይብሉ መገዲ ጉዕዞ ሰላም ከምእትፍፅም ገሊፆም።

ብቅድስት ኣባተ

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።