ሚኒስትር ጉዳያት ወፃኢ ግብፂ ኣብ ምምላእ ማይ ግድብ ህዳሰ ኣድሂቦም ዝሃቡዎ ርኢቶ ቅዋም ኢትዮጵያ ዝድግፍ ኢዩ – ሚኒስቴር ጉዳያት ወፃኢ ፌዴሪኢ

ኣዲስ ኣበባ ፣ 12 ጉንበት፣ 2013 (ኤፍ ቢ ሲ)ሚኒስትር ጉዳያት ወፃኢ ግብፂ ኣብ ካልኣይ ዙር ምምላእ ማይ ግድብ ህዳሰ ኣብ ልዕሊ ድሌት ግብፂ ፅዕንቶ ከምዘየሕድር ምግላፆም ፅቡቕ ጅምር ከምዝኾነ ኣቐባሊ ቃል ሚኒስቴር ጉዳያት ወፃኢ ፌዴሪኢ ኣምባሳደር ዲና ሙፍቲ ተዛሪም።

ኣምባሳደር ዲና ሎሚ መዓልቲ ኣብ ዘሃቡዎ መግለፂ፥ ሚኒስትር ጉዳያት ወፃኢ ሳሚ ሹክሪ ዝሃቡዎ ገለፃ ግብፂ ኣብ ምምላእ ማይ እቲ ግድብ ቅድሚ ሕዚ እናሰጎመቶ ዝነበረት ቅዋም ብምቕያር ኢትዮጵያ ናበ ተሰጉሞ ቅዋም ናብ ዝድግፍ ሓሳብ ምስግጋራ ዘመላኽት ከምዝኾነ ኣብሪሆም።

ፕሬዚዳንት ሳህለ ወርቅዘውዴ ኣብ በዓለ ሲመት ፕሬዚዳንት ኡጋንዳ ኣብ ዝተረኸባሉ እዋን፥ ምስ መራሕቲ ዝተፈላለያ ሃገራት ኣብ እዋናዊን ሓበራዊን ጉዳያት ምዝታየን እቶም ኣቐባሊ ቃል ገሊፆም።

ኣብ ፈረንሳይ ኣብ ዝተዳለወ ኣብ ኣፍሪካ ኮቪድ-19 ንምክልኻል ብፍላይ ንኣፍሪካ ንምሕጋዝ ፈረንሳይ ኣብ ዝፀወዐቶ ኣኼባ ተረኺበን እውን ምስ መራሕቲ ዝተፈላለያ ሃገራት መራሕቲ ዕዉት ዝኾነ ልዝብ ምግባረን ተዛሪቦም፡፡

ምክትል ቀዳማይ ሚኒስትርን ሚኒስቴር ጉዳያት ወፃን ኣይተ ደመቀ መኮንን ድማ ምስ ሓላፊ ስራሕ ዓለም ለኸ ኮሚቴ ቀይሕ መስቀል ዕዉት ዘተ ኣካይዶም ኢዮም ኢሎም፡፡

ብማህሌት ተክለብርሃን

እዋናዊን ሓዱሽን ሓበሬታ ንምርካብ

ቴሌግራም ገፅና https://t.me/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5…

ይግበሩ/ራ!