ሚኒስቴር ንግዲን ኢንዱስትሪን ምስ ማስተር ካርድ ፋውንዴሽን ንምስራሕ ስምምዕነት ተፈራሪሙ

ኣዲስ ኣበባ ፣ 17 ሰነ፣ 2013 (ኤፍ ቢ ሲ)ሚኒስቴር ንግዲን ኢንዱስትሪን ፈጠራ ዕድል ስራሕ ንምምብርትታዕን ንደቀቕቲን ኣናእሽተይን ኢንተርፕራይዛት ንምሕጋዝ ዘኽእል ሰነድ ስምምዕነት ምስ ማስተር ካርድ ፋውንዴሽን ተፈራሪሙ።

ሚኒስትር ንግዲን ኢንዱስትሪን ኣይተ መላኩ ኣለበልን ዳይሬክተር ማስተር ካርድ ፋውንዴሽን ኢትዮጵያ ኣይተ ኣለማየሁ ኮንዴን እቲ ስምምዕነት ዝተፈራረሙ እንትኾኑ፥ እቲ ስምምዕነት ኣብ ውሽጢ ሃገር ዝፈርዩ ውፅኢታት ቆርበት ብዝሐሸ ፅት ንምፍራይን ኣብቲ ዓውዲ ፈጠራ ዕድል ንምስፍሕፋሕን ዝዓለመ ኢዩ ተባሂሉ።

እቲ ስምምዕነት ምሩቓት ዩኒቨርሲቲ ብትሑትን ማእኸላይን ኢንዱስትሪታት ዕድል ስራሕ ንምፍጣር ከምዝሕግዝ ከምኡ እውን ፍርያት ውሽጢ ዓዲ ምትእስሳር ዕዳጋ ንኽፍጠረሎምን ናብ ዕዳጋ ምትዕርራይን ከምዘካትት ተሓቢሩ።

ዳይሬክተር ማስተር ካርድ ፋውንዴሽን ኢትዮጵያ ኣይተ ኣለማየሁ ኮንዴ ብግደኦም፥ እቲ ፋውንዴሽን መናእሰይ ኣብ ፈጠራ ዕድል ስራሕ ብስልጠናን ፋይናንስን ንምሕጋዝ ዝተጣየሸ ትካል ገባሪ ሰናይ ከምዝኾነ ኣብሪሆም።

ኣብ ትሕቲ እቲ ፋውንዴሽን ዝትግበር ብሪጅ ዝተብሃለ ፕሮግራም ንኣፍሪካውያን መናእሰይ ስልጠና ፈጠራ ዕድል ስራሕ ብምስንዳእ ኣብ ምንካይ ድኽነት ከምዘድህብ እውን ገሊፆም።

እቲ ዝተገበረ ስምምዕነት እውን ሚኒስቴር ንግዲን ኢንዱስትሪን ኣብቲ ዓውዲ ዝጀመሮምን ክድገፉ ዝግበኦምን ስራሕቲ ብምሕጋዝን ብምብቃዕን ብዘላቒ ብሓባር ንምስራሕ ዘኽእል ከምዝኾነ ገሊፆም።

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ።