ኣዲስ ኣበባ፣ 11 ሰነ፣ 2014 (ኤፍ ቢ ሲ)ሚኒስትር ፍትሒ ፌዴሪኢ ዶክተር ጊዴዎን ጢሞቴዎስ ምስ ፍሉይ ወኪል ሰብኣዊ መሰላት ሕብረት ኣውሮፓ ኢሞን ጊልሞር ኣብ እዋናዊ ጉዳያት ኢትዮጵያ ጠሚቶም ዘትዮም።
ዶ/ር ጊዴዎን ምስቶም ፍሉይ ወኪል ኣብ ብራስለስ ተራኺቦም ኣብ እዋናዊ ጉዳያት ኢትዮጵያ ከምዝተዘራረቡ ተገሊፁ።
ኣብ ወርሒ ግንቦት እቶም ፍሉይ ወኪል ሕብረት ኣውሮፓ ኣብ ኣዲስ ኣበባ ድሕሪ ዑደት ምግባሮም ክልቲኦም ወገናት ብዛዕባ ህልዊ ኩነታት ኢትዮጵያ ሓበሬታ እናተለዋወጡ ከምዝነበሩ ተሓቢሩም።
እቶም ሚኒስትር ኣብ መዳያት ሰብኣዊ መሰላት፣ ተሓታትነትን፣ ብሕብረት ኣፍሪካ ዝምራሕ ዝካየድ ዘሎ መስርሕ ሰላምን ዝረኣዩ ዘለዉ ዓበይቲ ለውጥታት ትኹረት ብምግባር ነቶም ተወካሊ መብርሂ ሂቦም።
እቶም ተወካሊ ኣብ ኢትዮጵያ ኣወንታዊ ለውጥታትን እናመፁ ምዃኖም ክንግንዘቡ ከምዝኸኣሉ ብምልዓል፥ እዚኦም ለውጥታት ተጠናኺሮም ክቕፅሉ ኣለዎም ምባሎም ካብ ቤት ፅሕፈት ሚኒስትር ጉዳያት ወፃኢ ዝረኸብናዮ ሓበሬታ የመላኽት።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna
https://www.youtube.com/…/%E1%88%B0%E1%89%A5%E1%88%B5… ይግበሩ/ራ!
ሓዱሽ መተግበሪ ፋና ብሮድካስቲንግ ኮርፖሬት
https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።