መንግስቲ ፌዴራል ኣብ ሰሜን ኢትዮጵያ ዘሎ ፀገም ንምፍታሕ ዝካየድ ዘተ ሰላም ኣብ ዝኾነ ይኹን ቦታን እዋንን ንምክያድ ድልው ከምዝኾነ ገሊፁ

ኣዲስ ኣበባ፣ 21 ሓምለ፣ 2014 (ኤፍ ቢ ሲ)መንግስቲ ፌዴራል ኣብ ሰሜን ኢትዮጵያ ዘሎ ፀገም ንምፍታሕ ዝካየድ ዘተ ሰላም ኣብ ዝኾነ ይኹን ቦታን እዋንን ንምክያድ ድልው ከምዝኾነ ገሊፁ።

ኣማኻሪ ብሄራዊ ድሕንነት ቀዳማይ ሚኒስትር ኣምባሳደር ሬድዋን ሁሴን፥ ምስ ሚኒስትር ፍትሒ ዶክተር ጌዲዮን  ጤሞቲዎስ ብምዃን ኣብ ክሊ ቅዋም መንግስቲ ፌዴራል ንፍሉያት ልኡኽ ውድብ ሕቡራት መንግስታት፣ ሕብረት ኣውሮፓን ኣሜሪካን ከምኡውን ንፈፃሚ ጉዳይ ዩናይትድ ስቴትስ ኣብ ኢትዮጵያ፣ ፈረንሳይ፣ ጣሊያን፣ ጀርመንን ብሪታኒያን ኣንባሳደራት መብርሂ ከምዝሃቡ ገሊፆም።

ኣብቲ መድረኽ፥ ዘተ ሰላም ብዝምልከት ቅዋም መንግስቲ ፌዴራል ግልፂ ከምዝገበሩ ሓቢሮም።

ብመሰረት እዚ፥ መንግስቲ ፌዴራል ኣብ ሰሜን ኢትዮጵያ ዘሎ ፀገም ንምፍታሕ ዝካየድ ዘተ ሰላም ኣብ ዝኾነ ይኹን ቦታን እዋንን ንምክያድ ድልው ከምዝኾነን እቲ ዘተ ብዘይ ምንም ቅድመ ኩነት ክጅመር ከምዘለዎ ግልፂ ተገይሩ ኢዩ ኢሎም።

ብመሪሕነት ሕብረት ኣፍሪካ ዝካየድ ከይዲ ዘተ ሰላም ብካልኦት ወገናት ደገፍ ሊጂስቲክስ ክግበር ከምዝኽእል እውን ገሊፆም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።