መናእሰይ ሃገር ንምርካብ ዘኽእል ሸቶ ክህልዎም ኣለዎ-ቀዳማይ ሚኒስትር ኣቢይ ኣሕመድ

ኣዲስ ኣበባ፣ 16 ነሓሰ፣ 2014 (ኤፍ ቢ ሲ)መናእሰይ ሃገር ንምርካብ ዘኽእል ሸቶ ክህልዎም ኣለዎ ክብሉ ቀዳማይ ሚኒስትር ኣቢይ ኣሕመድ ገሊፆም።

“ግደ መናእሰይ ኣብ ዘበንና” ብዝብል መሪሕ ቃል ኣብ ሃገራዊ መዛዘሚ መድረኽ መናእሰይ ኣብ ኣዲስ ኣበባ ተኻይዱ።

ኣብቲ መድረኽ ዝተረኸቡ ቀዳማይ ሚኒስትር ኣቢይ፥ ካብ መናእሰይ ንዝተልዓሉ ሕቶታት ምላሽ ሂቦም።

ኢትዮጵያ ብዕንቅፋታት እንተደኸመት እውን ከም ኣሞራ ሓይላ አሐዲሳ ናብ ነባር ብራኸኣ ንክትምለስ መበገሲ ጉዕዞ ቁልቁለት ብምልላይ ምስትኽኻል ይግባእ ኢሎም።

ነዚ ድማ መናእሰይ ልዑዕል ግደ ከምዘለዎም ተዛሪቦም።

ተስፋ ፅባሕ መናእሰይ ከፀልምቱ ንዝደሊዩ ኣካላት ፈፂሞም ክሰምዑ ኣይብሎምን ዝበሉ እቶም ቀዳማይ ሚኒስትር፥ ንህብረ ብሄራዊ ሓድነት ክፅዕሩ፣ ሃገር ንምርካብ ክዳለዉ ፃውዒት ኣቕሪቦም።

ብኣሉታዊ ነገር ካብ ምፅማድ እወንታዊ ብምዃን ምዕባለ፣ ሰላምን ሓድነተን ክብህጉ ይግባእ ኢሎም።

ኣብ ምስላጥ ዝርከቡ ፕሮጀክቲታት ልምዓት ኩሉ ነገር ተስፋ ፅባሕ ንዝኾኑ መናእሰይ ንክኾን ተተሊሙ ዝስራሕ ከምዝኾነ ተዛሪቦም።

መናእሰይ ሃገር ንምርካብ ዘኽእል ሸቶ ክህልዎም ኣለዎ ዝበሉ ቀዳማይ ሚኒስትር ኣቢይ ኣሕመድ፥ ብሰፈር ካብ ምሕሳብ ብብርኪ ሃገር፣ ኣህጉርን ዓለምን ንምምራሕ ምብጋስ የድሊ ክብሉ ገሊፆም።

ልዕልነት ሃገር ብቐዳምነት ዝርእይ ትውልዲ ምድማር ክኸውን ከመዝግባእ እውን ኣገንዚቦም።

ኣብ ክልላት ዝካየዱ ስራሕቲ ልምዓት ከምዝሰፍሑን ጠንቂ ሰናይ ምምሕዳር ዝኾነ ሰርቂ ንምጥፋእ ዝስርሑ ስራሕቲ ተጠናኺሮም ከምዝተጀመሩ ኣፍሊጦም።

ብተወሳኺ ተረከብቲ ፅባሕ መናእሰይ ከም ምዃኖም፥ ልቦምን ኢዶምን ንፁህ ንክገብሩ ውዒት ምቕራቦም ካብ ቤት ፅሕፈት ቀዳማይ ሚኒስተር ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።