መራኸብቲ ሓፋሽ ውሽጢ ዓዲ ኣብ ግምባር ተረኺቦም ዝሰርሑዎም ፀብፃባት ሓቀኛ ተግባር እቲ ግብረ ራዕዲ ሓቀኛ መልክዕ እናርአዩ ከምዝርከቡ ተገሊፁ

ኣዲስ ኣበባ፣ 11 መስከረም፣ 2014 (ኤፍ ቢ ሲ)መራኸብቲ ሓፋሽ ውሽጢ ዓዲ ኣብ ግምባር ተረኺቦም ዝሰርሑዎም ፀብፃባት ሓቀኛ ተግባር እቲ ግብረ ራዕዲ ሓቀኛ መልክዕ እናርአዩ ከምዝርከቡ ኣብ ግምባር ዝተሳተፉ ጋዜጠኛታት ጦር መኮንናትን ገሊፆም።

ጋዜጠኛ ፋና ብሮድካስቲንግ ኮርፖሬት ዙፋን ካሳሁን፥ ምስ ጀጋኑ ውዒልካ ብምሕዳር ንህዝቢ ሓቀኛ ሓበሬታ ምብፃሕ ሙያዊ ሓላፍነት ምውፃእ ከምዝኾነ ተዛሪባ፡፡

ኣብ ግምባር ዝነበራ ፃንሒት ሰራዊት ኢትዮጵያ ንሃገር ክቡር ዋጋ እንትኸፍል፣ ዓወት እንትሓፍስ ከምዝተዓዘበት ዝገለፀት ዙፋን፥ እቲ ጉጅለ ግን ኣብ ዝተሰዓረሎም ከባቢታት ሰብኣዊ ቅልውላዋት ከምዝፈፀመ ኣብሪሃ፡፡

ኣብ ግምባር ዓፋር ፃንሒት ዝገበረ ጋዜጠኛ ኣወል ኣበራ ብግድኡ፥ ናይ ውሽጢ ዓዲ መራኸብቲ ሓፋሽ ናብ ግምባር ከይዶም ምስረሖም ብፍላይ መሪፆም ዘእዉዩ ናይ ወፃኢ መራኸቢ ሓፋሽ ዝገደፉዎም ድምፂታት ክስምዑ ከምዝገበሩ ገሊፁ፡፡

ዋና ፈፃሚ ስራሕ ፋና ብሮድካስቲንግ ኮርፖሬት ኣይተ ኣድማሱ ዳምጠው፥ ፋና ሰብ ሞያታት ኣብ ዝተፈላለዩ ግምባራት ብምውፋር ስራሕቲ እናተሰርሐ ከምዝኾነን እዚ ድማ ፋና ካብ ዘለዎ ሃገራዊ ግቡእ ዝፍልፍል ከምዝኾነ ኣብሪሆም።

መራኸብቲ ሓፋሽ ሓቀኛን ፍልጠት መሰረት ገይሮም ክሰርሑ ከምዝግባእ ዝገለፁ እቶም ዋና ፈፃሚ ስራሕ፥ ሃገር ብምቕዳም ክሰርሑ ከምዝግባእን ሃገር ዘቐደመ ብፍልጠት ዝተሓገዘ ኣሰራርሓ ከምዘድሊን ኣገንዚቦም፡፡

ዳይሬክተር ርክብ ህዝቢ ሰራዊት ምክልኻል ኮሎኔል ጌትነት ኣዳነ ብግደኦም፥ ጉጅለ ህወሓት በቢመዓልቱ ናይ ሕሶት ፕሮፓጋንዳ ከምዘጋውሕ ብምግላፅ ምስዚ ዝመጣጠን ሓቀኛ ሓበሬታ ዘቕርቡ መራኸብቲ ሓፋሽ ከምዝድልዩ ገሊፆም፡፡

ብኣፈወርቅ እያዩ

እዋናዊ ሓበሬታ ንምርካብ፦

ቴሌግራም ገፅና https://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/c/fanabroadcastingcorporate/ሰብስክራይብ ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።