ኣዲስ ኣበባ፣ 16 ሕዳር፣ 2016 (ኤፍ ቢ ሲ)ኣብ ክልል ኣምሓራ ዞባ ሰሜን ሸዋ ኣብ ዝተፈላለዩ ከባቢታት እናተንቀሳቐሱ ዝነበሩ ሓይሊታ ፀረ-ሰላም እናተወሰደሎም ብዝርከብ ጥንኩር ስጉምቲ ብሰላም ኢዶም እናሃቡ ከምዝኾኑ ሰራዊት ምክልኻል ኣፍሊጡ፡፡
ኣብቲ ቦታ ብምርካብ ኣፈፃፅማ ወፍሪ ሓይሊ ሓለዋ ሪፐብሊክ ዝተመልከቱ ኣካቢ ኮማንድ ፖስት ዞባ ሰሜን ሸዋ ብርጋዲየር ጄኔራል ኣበባው ሰይድ ከምዝገለፁዎ÷ እቶም ሓይሊታት ፀረ ሰላም ዝተውሃቦም ኣማራፂ ሰላም ብምጥቃም ኢዶም ምሃቦም ብፅቡቕ ዝረአ ኢዩ፡፡
ኮሎኔል ግርማ ደምለው ብግደኦም÷ ሓይሊታት ፀረ ሰላም ኣማራፂ ሰላም ምኽታል ንምንቅስቓስ ልምዓት ሃገርን እቲ ክልልን ምቹው ኩነታት ከምዝፈጥር ገሊፆም፡፡
ኣብቲ ከባቢ ዝተዋፈረ ሓይሊ ሓለዋ ሪፐብሊክ ጠለብ ህዝቢን መንግስቲን ንምዕዋት ኢሉ እውን ዘላቒ ሰላም ንምምፃእ ብትግሃት እናሰርሑ ከምዝኾኑ ምግላፆም ካብ ፌስቡክ ገፅ ሰራዊት ምክልኻል ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com