ሓሳብ ኣልቦ ቃልሲ ፍረ ኣይብሉን -ቀዳማይ ሚኒስትር ኣቢይ(ዶ/ር)

ኣዲስ ኣበባ፣ 21 ጥቅምቲ፣ 2017 (ኤፍ ቢ ሲ)ቀዳማይ ሚኒስትር ኣቢይ ኣሕመድ(ዶ/ር) ካብ ኣባላት ባይቶ ወከልቲ ህዝቢ ሰላምን ድሕንነትን ጠሚቱ ኣብ ዝተልዓለሎም ሕቶታት ኣብ ዝሃብዎ መብርሂ፥ ኣብ ህንፀት ስርዓት ዴሜክራሲ ሰላም ኣዝዩ ወሳኒ ኢዩ ኢሎም።

ኲናት ብተግባር ንፈልጦ ስለዝኾነ ኣይንደሊዮን ዝበሉ እቶም ቀዳማይ ሚኒስትር፥ ካብ ኣማራፂ ሓይሊ  ኣማራፂ ሰላም ውፅኢቱ ልዑል ከምዝኾነ ኣብሪሆም።

መንግስቲ ጎንፂታት ብሰላም ንክፍትሑ ቀዳመንት ሂቡ ከምዝሰርሕ እውን ተዛሪቦም።

ሐዚ እውን ዘለና ቅዋም ዝኾነ ይኹን ዓይነት ዘይምርድዳእ ብሰላም ንክፍታሕ ልዑል ድልየት ከምዘሎ ገሊፆም።

ዝኾነ ይኹን ኣካል ብሓይሊን ፅልኣትን ምጥፍፋእ እንበር ዕላማኻ መዕዋት ኣይከኣልን፤ ስኽን ኢልካ ምሕሳብ ይግባእ ኢሎም።

ሓሳብ ኣልቦ ቃልሲ ፍረ ኣይብሉን ክብሉ እውን ገሊፆም።