ኣዲስ ኣበባ ፣ 28 ለካቲት፣ 2012 (ኤፍ ቢ ሲ)ኣብ ቀዳማይ ፈረቓ ዓመት 2012 ዓ.ም ን91ሰብ ሃፍቲ ፍቓድ ኢንቨስትመንት ከምዝሃበ ቤት ፅሕፈት ኮሚሽን ኢንቨስትመንት ክላስተር ሽረ ኣፍሊጡ ።
እቶም ሰብ ሃፍቲ ልዕሊ 550 ሚልየን ብር ርእሰማል ዘመዝገቡ ኢዮም።
ተተካኢ ሓላፊ ቤት ፅሕፈት እቲ ኮምሽን ኣይተ ማዓሾ ገብረስላሰ፥ እቶም ሰብ ሃፍቲ ኣብ ከተማ ሕርሻን ማኒፋክቸሪንግን ዝነጥፉ እዮም ኢሎም ።
ንልዕሊ 4 ሺሕ መናኣሰይ ብቀዋምን ግዝያዉን ዕድል ስራሕ ንምፍጣር ዘኽእሉ ከምዝኾኑ እውን ተገሊፁ።
እቲ ኮሚሽን ብ ኣዋጅ ቁፅሪ 319/2011 ዓ.ም ቦታታት ኢንቨስትመንት ከማሓድር፣ ከፅድቕን ክዕድልን ሓላፍነት ከምዝተዉሃቦ ይፍለጥ።
እዋናውን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
ብሳራ ኣብራሃለይ