ሊግ ደቂ ኣንስትዮ ፓርቲ ብልፅግና ኣዲስ ኣበባ ንደቂ ኣንስትዮ ትግራይ ልዕሊ 4 ሚሊየን ብር ዝግመት ሓገዝ ገይረን

ኣዲስ ኣበባ ፤ 15 ነሓሰ፣ 2015(ኤፍ ቢ ሲ)ሊግ ደቂ ኣንስትዮ ፓርቲ ብልፅግና ኣዲስ ኣበባ ንደቂ ኣንስትዮ ኣብ ክልል ትግራይ ኣጋጢሙ ብዝነበረ ጎንፂ ምኽንያት ጉድኣት ንዝበፅሐን ደቂ ኣንስትዮ ዝውዕል ልዕሊ 4 ሚሊየን ብር ዝግመት ሓገዝ ገይረን።

እቲ ሓገዝ÷ ሓላፊ ጨንፈርቤት ፅሕፈት ፓርቲ ብልፅግና ኣዲስ ኣበባ ኣይተ ሞገስ ባልቻ ንተወካሊት ደቂ ኣንስትዮ ክልል ትግራይ ወይዘሮ ዓወት ዘርአብሩኽ ኣረኪቦም።

እቲ ሓገዝ ክዳውንቲ፣ ኣቑሑት ገዛ፣ ናውቲ መሕለዊ ፅሬትን ምግቢን ዘካተተ ምዃኑ ተገሊፁ።

ኣይተ ሞገስ ባልቻ ኣብቲ እዋን ከምዝገለፁዎ÷ ሊግ መናእሰይ ፓርቲ ብልፅግና ቅድሚ ሕዚ ናውቲ ትምህርቲ ካብ ዝተፈላለዩ ክፋላት ሕብረተሰብ ብምትእኽኻብ ሓገዝ ገይረን ነይረን።

ምትሕግጋዝን ምድግጋፍን መግለፂ ኢትዮጵያዊነት ከምዝኾነ ብምሕባር÷ ኣብ ጎኒ ብኲናት ዝተጎድኡ ክፋላት ሕብረተሰብ ብተግባር ጠጠው ምባል ክጠናኸር ከምዝግባእ ኣገንዚቦም።

ተወካሊት ደቂ ኣንስትዮ ክልል ትግራይ ወይዘሮ ዓወት ዘርኣብሩኽ÷ ንዝተገበረ ሓገዝ ብምምስጋን፤ ኣብ ቀፃሊ ዝተጎድኣ ደቂ ኣንስትዮ መሊስካ ንምጥያሽ ኩሉ ናይ ባዕሉ ግደ ንኽዋፃእ ፀዊዐን።

#Ethiopia

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna https://www.youtube.com/…

ሓዱሽ መተግበሪ ፋና ብሮድካስቲንግ ኮርፖሬት https://play.google.com