ኣዲስ ኣበባ፣ 21 ሓምለ፣ 2015 (ኤፍ ቢ ሲ)ሃገራዊት ጋንታ ኢትዮጵያ ምሕዝነታዊ ፀወታ ንምግባር ፅባሕ ናብ ኣሜሪካ ክተምርሕ ፌዴሬሽን ኩዕሾ እግሪ ኢትዮጵያ ኣፍሊጡ።
ዋና ፀሓፊ እቲ ፌዴሬሽን ኣይተ ባህሩ ጥላሁንን ኣሰልጣኒ እታ ሃገራዊት ጋንታ ኢንስትራክተር ዳንኤል ገብረ ማሪያምን÷ ክልተ ምሕዝነታዊ ፀወታታ እታ ሃገራዊት ጋንታ ኣመልኪቶም ጋዜጣዊ መግለፂ ሂቦም፡፡
ኣሰልጣኒ ኢንስትራክተር ዳንኤል ገብረማርያም ኣብቲ መግለፂ÷ እታ ሃገራዊት ጋንታ ኣብ ፃንሒታ ጥንኩር ልውውጥ ልምዲ ትገብረሉን ተፃወትቲ ንኽረአዩ ዕድል ዝፈጥርን ከምዝኾነ ኣብሪሆም።
ሃገራዊት ጋንታ ኢትዮጵያ ኣብ ኣሜሪካ ፃንሒታ÷ 26 ሓምለ 2015 ዓ.ም ኣብ ዋሸንግተን ዲሲ ምስ ሃገራዊት ጋንታ ጉያና፤ 29 ሓምለ 2015 ዓ.ም ድማ ምስ ኣትላንታ ሮቨርስ ክትፃወት ኢያ።
ዋና ፀሓፊ እቲ ፌዴሬሽን ባህሩ ጥላሁን ብግደኦም÷ ኣብታ ሃገራዊት ጋንታ ዝተኻተቱ ኣርባዕተ ትውልደ ኢትዮጵያውያን ተፃወትቲ ምስ ኣትላንታ ሮቨርስ ኣብ ዝግበር ፀወታ ናይ ምስላፍ ዕድል ከምዝረኽቡ ተዛሪቦም።
ብወርቅነህ ጋሻሁን
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com