ኣዲስ ኣበባ፣ 14 ጥቅምቲ፣ 2016 (ኤፍ ቢ ሲ)ኢትዮጵያ ንዘበናት ዝኻዕበተ ህንፀት ሰራዊት ዘለዋ ብምዃና ምስታ ሃገር ዘለወን ርክብ ብዝበለፀ ንምዕባይ ከምዝሰርሑ ወታደራዊ ኣታሼታት ዝተፈላለያ ሃገራት ኣፍሪካ ገሊፆም።
መበል 116 በዓል መዓልቲ ሰራዊት ምክልኻል ኣመልኪቱ ታሪኽ፣ ተጋድሎን ሰራዊት ምክልኻል ከምኡ እውን ሕዚ ዝበፅሐሉ ቁመና ዘርኢ ዓውደ ምርኢት ፎቶ ኣብ ብሄራዊ ቴኣትር ኢትዮጵያ ንህዝባዊ ምርኢት ቀሪቡ።
ኣብ ሚኒስቴር ምክልኻል ተወካሊ ዳይሬክቶሬት ምምሕዳር ታሪኽ፣ ሓድጊን መፅናዕቲን ውትድርና ሌተናል ኮሎኔል ኣግዘው ኣልታየ፥ “እቲ ዓውደ ምርኢት ጅግንነትን ታሪኽን እቲ ሰራዊትን ሕዚ ዝበፅሐሉ ዘተኣማምን ቁመናን ዘመላኽት ኢዩ” ኢሎም።
ሰራዊት ምክልኻል ንሉኣላዊነት ኢትዮጵያ ዝኸፈሎ ዋጋን ታሪኻዊ ጅግንነቱን ምዝካር እውን ቀንዲ ዕላማ እቲ ዓውደ ምርኢት ከምዝኾነ ኣብሪሆም።
ኣብቲ ዝተሰናደአ ዓውደ ምርኢት ንምዕዳም ዝመፅኡ ወታደራዊ ኣታሼታት ዝተፈላለያ ሃገራት ኣፍሪካ÷ እቲ ዓውደ ምርኢት ታሪኽ ሰራዊት ምክልኻል ኢትዮጵያ ብዕምቆት ንኽድኡ ዘኽኣለ ከምዝኾነ ኣብሪሆም።
ሰራዊት ምክልኻል ኢትዮጵያ ዘለዎ ዓቕሚ ንሃገራት ኣፍሪካ ኣብነት ከምዝኾነ ዝሓበሩ እቶም ወታደራዊ ኣታሼታት፥ ሃገሮም ኣብ ወታደራዊ ዓውዲ ምስ ኢትዮጵያ ዘለወን ምትእስሳር ንምዕባይ ከምዝሰርሓ ምግላፆም ግዜኢፀብፂቡ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com