ኣዲስ ኣበባ፣ 2 ሕዳር፣ 2017 (ኤፍ ቢ ሲ)ጉጅለ ዕጡቕ ሊባኖሱ ዝኾነ ሂዝቦላህ 50 ሮኬታት ናብ ሰሜን እስራኤል ከምዘወንጨፈ ተገሊፁ።
ሚኒስቴር ምክልኻል ሃገር አስራኤል፥ ሂዝቦላህ ኣብ ሰሜን እስራኤል ካርሚኤል ኣብ ዝተብሃለ ከባቢ 50 ሮኬታት ብምውንጫፍ ንዝፈፀሞ መጥቃዕቲ ክሳብ ሐዚ ኣብ ለዕሊ 6 ሰባት ከቢድ ጉድኣት ኣብፂሑ ኣሎ ኢሉ።
ካብቶም ዝተተኮሱ ሮኬታት ዝተወሰኑ ብፀረ ሚሳኤል ዝፈሸሉ እንትኾኑ፥ ካልኦት ድማ ዒለመኦም ከምዘይወቕዑ እቲ ሚኒስቴር ገሊፁ።
ብኣንፃሩ ሰራዊት እስራኤል ኣብ ሰሜን ጋዛን ሰሜን ሊባኖስን ዝፈፀሞ መጥቃዕቲ ኣየር ተጠናኺሩ ከምዝቐፀለ ተሓቢሩ።
እቲ ሰራዊት ኣብ ሰሜን ሊባኖስ በዝፈፀሞ መጥቃዕቲ 23 ሰባት ህይወቶም ከምዝሰኣኑ ሚኒስቴር ጥዕና እታ ሃገር ኣፍሊጡ።
ብተመሳሳሊ ኣብ ሰሜን ጋዛ ከባቢ ጃባሊያ በዝተፈፀመ መጥቃዕቲ ሒንጠያት ዝርከብዎም 36 ሰባት ከምዝተቐተሉ ኣልጀዚራ ፀብፂቡ።