ሂዝቦላህ ብሚሳኤላትን ድሮናትን ዝተሓገዘ መጥቃዕቲ ኣብ ልዕሊ እስራኤል ፈፂሙ

ኣዲስ ኣበባ፣ 16 ሕዳር፣ 2017 (ኤፍ ቢ ሲ)ሂዝቦላህ ብሚሳኤላትን ድሮናትን ዝተሓገዘ መጥቃዕቲ ኣብ ልዕሊ እስራኤል ከምዝፈፀመ ሚኒስቴር ምክልኻል እስራኤል ኣፍሊጡ።

ኣብ መንጎ እስራኤልን ጉጅለ ዕጡቕ ሊባኖስ ዝኾነ ሂዝቦህን ዝካየድ ዘሎ ኲናት ተጠናኺሩ ከምዝቐፀለ ቢቢሲ ፀብፂቡ።

እስራኤል ኣብዚ ሰሙን ኣብ ልዕሊ ዋና ከተማ ሊባኖስ ዝኾነት ቤሩት ዝተፈላለዩ ኣንፈታት ኣብ ዝተመረፁ ትሕዝቶታት ሂዝቦላህ መጥቃዕቲ ከምዝፈፀመት ተገሊፁ።

ብሰንኪ እቲ መጥቃዕቲ ኣብ ቤሩት ዘለዋ ኣብያተ ትምህርቲ ክሳብ ቀፃሊ ወርሒ ጥሪ ከምዝተዓፀዋ ሚኒስቴር ትምህርቲ ሊባኖስ ኣፍሊጡ።

ሂዝቦላህ ነቲ ዝፍፀመሉ ዘሎ መዕቃዕቲ ዓፀፋዊ ምላሽ ንምሃብ፥ ኣብ ልዕሊ እስራኤል ኣስታት 340 ሚሳኤላትን ድሮናትን መጥቃዕቲ ከምዝፈፀመ ተገሊፁ።

በቲ ዝተገበረ መጥቃዕቲ፥ ኣብ ሰሜናዊን ማእኸላዊን እስራኤል ብዙሓት ሰባት ከምዝተጎድኡ፣ ህንፃታትን መንበሪ ኣባይቲን ከምዝዓነዉ ተሓቢሩ።

ብሚሊየን ዝቑፀሩ እስራኤላውያን ካብቲ መጥቃዕቲ ብምህዳም ናብ ድፋዕ ከምዝኣተዉ እውን ተገሊፁ።