ኣብ ትግራይ ልዕሊ 1 ሺሕን 500 ተሃነፅቲ ሕጊ ብይቕረታ ክፍትሑ ተወሲኑ

ካብዚኣቶም 38 ደቂ ኣንስትዮ ዝርከበኦም 1 ሺሕን 568 ተሃነፅቲ ዕድል ይቕረታ ክረኽቡ ተወሲኑ ኣሎ ኢሎም።

ካብቶም ዝቐረቡ ይፅንሑ ዝተብሃሉ ድማ 4 ደቂ ኣንስትዮ ዝርከበኦም 136 ተሃነፅቲ እንትኾኑ፥ እዚኣቶም ምስ ቅትለት፣ ኣገዲድካ ምድፋርን ዘይሕጋዊ ዝውውር ደቂ ሰባትን ዝተኣሳሰረ ገበን ዘለዎም ከምዝኾኑ ኣይተ ተኪኡ ኣረዲኦም።

ኣብ መወዳእታ ተሃነፅቲ ነቲ ዘለናሉ እዋን መኸተ ምዃኑ ተረዲኦም ንዝበደልዎ ማሕበረሰብ ክኽሕሱ እንተለው ንዘላቒ ሰላም ትግራይ ዝሕግዝ ስለዝኾነ ገበን ስግኣት ገበንን ንምድራቕ ብፅሒቶም ክፃወቱ ይግባእ ብምባል ንተሃነፅትን ቤተሰብን እንኳዕ ደስ በለኩም ኢሎም።

ኮማንድ ፖስት መኸተ ኮሮና ቫይረስ ኣብዚ ዓመት ኣብ ወርሒ መጋቢትን ሚያዝያን ብተመሳሳሊ ኣገባብ ተሃናፃይ ብይቕረታ ክወፁ ከምዝገበረ ይዝከር።