ኣብ ኢትዮጵያ ብቫይረስ ኮሮና ዝተለኸፉ ተወሰኽቲ 561 ሰባት እንትርከቡ 7 ሰባት ድማ ህይወቶም ሓሊፉ

እቲ ቫይረስ ካብ ዝተረኸቦም ሰባት 409 ካብ ኣዲስ ኣበባ ፣ 16 ካብ ክልል ትግራይ፣ 25 ካብ ክልል ኦሮሚያ፣ 52 ካብ ክልል ጋምቤላ፣ 6 ካብ ክልል ኣምሓራ፣ 8 ሰብ ካብ ክልል ሃረሪ፣ 7 ካብ ክልል ሶማሌ፣ 17 ሰብ ካብ ክልል ዓፋር፣ 11 ካብ ክልል ደቡብ፣ 8 ካብ ክልል ቤኒንሻንጉል ጉሙዝ፣ 8 ሰባት ካብ ክልልሲዳማ፣ 3 ሰባት ካብ ክልል ሶማሌ ከምኡ እውን 3 ሰባት ካብ ክልል ዓፋር ከምዝኾኑ ሚኒስትር ጥዕና ዶክተር ሊያ ታደሰ ኣፍሊጠን።

ክሳብ ሐዚ ብመሰረት ዝተገበረ ምርመራ እቲ ቫይረስ ዝተረኸቦም ቁፅሪ ሰባት 11 ሺሕን 72 ከምዝበፅሐ ገሊፀን።

ኣብ ዝሓለፉ 24 ሰዓታት ሸውዓተ ሰባት ብሰንኪ እቲ ቫይረስ ህይወቶም ዝሰኣኑ እንትኾኑ፥ ብሓፈሻ በቲ ቫይረስ ህይወቶም ዝሰኣኑ ሰባት 180 በፂሑ ኣሎ።

ብኻሊእ መዳይ 158 ሰባት ካብቲ ሕማም ዝደሓኑ እንትኾኑ፥ ብድምር ኣብ ኢትዮጵያ ካብቲ ቫይረስ ዝደሓኑ ሰባት ቁፅሮም 5 ሺሕን 448 በፂሑ ኣሎ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana