ኣብ መዓልቲ 30 ሚሊየን ሊትሮ ፈሳሲ ዘፃሪ ዘበናዊ መፃረዪ ጣቢያ ፈሳሲ ተመሪቑ

ኣዲስ ኣበባ፣ 2 ጥሪ፣ 2017 (ኤፍ ኤም ሲ)ከንቲባ ከተማ ኣዲስ ኣበባ ኣዳነች ኣቤቤ ኣብ መዓልቲ 30 ሚሊየን ሊትሮ ፈሳሲ ናይ ምፅራይ ዓቕሚ ዘለዎ ዘበናዊ መፃረዪ ጣቢያ ፈሳሲ ቦሌ ኣራብሳ መሪቐን ንኣገልግሎት ክፍቲ ገይረን፡፡

እቲ መፃረዪ ጣቢያ ናይታ ከተማ ፈሳሲ ናይ ምፅራይ ዓቕሚ ቅድሚ ሓሙሽተ ዓመት ካብ ዝነበሮ ኣብ መዓልቲ 48 ሺሕ ሜትር ኪዩብ ናብ 233 ሺሕ ሜትር ኪዩብ ክብ ከብል ከምዝኽእክ እተን ከንቲባ ኣብ ማሕበራዊ ሚዲያ ገፀን ኣብ ዘመሓላለፈኦ ፅሑፍ ገሊፀን፡፡

እዚ መፃረዪ ጣቢያ ፈሳሲ ልዕሊ 240 ሺሕ ዝኾኑ ነበርቲ እቲ ከባቢ ዘበናዊ ስርዓት መፃረዪ ፈሳሲ ተጠቀምቲ ዝገብር ከምዝኾነ ሓቢረን።