ሊቨርፑል ኣብ ውድድራት ቻምፒየንስ ሊግን ፕሪሚየር ሊግን ቀዳማይ ደረጃ ብምሓዝ ይመርሑ ኣለዉ

ኣዲስ ኣበባ፣ 19 ሕዳር፣ 2017 (ኤፍ ቢ ሲ)ትማሊ ምሸት ሰዓት 5፡00 ለይቲ ኣብ ዝተኻየደ ፀወታ ቻምፒየንስ ሊግ ኣውሮፓ ሊቨርፑል ኣብ ልዕሊ ሪያል ማድሪድ 2 ን 0 ተዓዊቱ።

ንጋንታ ሊቨርፑል ማክ ኣሊስተርን ኮዲ ጋክፖን ነተን ሸቶታት ንሕድሕዶም ኣቑፂረሙወን።

ጋንታ ሊቨርፑል ክሳብ ሐዚ ኣብ ዘካየድዎ ፀወታታት ቻምፒየንስ 15 ነጥቢ ብምውህላል ኣብ ቅድሚት ተሰሪዖም ይርከቡ።

ኣብ ፀወታታት ፕሪሚየር ሊግ እውን 31 ነጥብታት ብምውህላል ነቲ ሊግ ዝመርሑ ዘለዉ እንትኾኑ፥ ብድምር ኣብ ቻምፒዮንስ ሊግን ፕሪሚየር ሊግን 1ይ ደረጃ ብምሓዝ ኣብ ከልቲኡ ውድድራት ጎብለል ብምዃን ጉዕዘኦም ኣጠናኺሮም ኣለዉ።