ኣትሌት ሃምሳ ኣለቃ የወርቅ ውሃ ጌታቸው ንምክልኻል ኢትዮጵያ ሜዳሊያ ወርቂ ኣምፂኣ

ኣዲስ ኣበባ፣ 16 ሕዳር፣ 2017 (ኤፍ ቢ ሲ)ኣትሌት ሃምሳ ኣለቃ የወርቅ ውሃ ጌታቸው ንምክልኻል ኢትዮጵያ ፈላማይ ሜዳሊያ ወርቂ ኣምፂኣ።

ብኣሰናዳእነት ናይጀሪያ ኣብ ከተማ ኣቡጃ እናተኻየደ ዝርከብ 2ይ ፌስቲቫል ስፐርት ሓይሊታት ጦር መላእ ኣፍሪካ እናቐፀለ እንትኸውን÷ ጉጅለ ኣትሌቲክስ ጋንታ ስፖርት መቻል ንኢትዮጵያ ብምውካል ኣብቲ ውድድር እናተሳተፈ ይርከብ፡፡

በዚ ድማ ብ5 ሺሕ ሜትሮ ውድድር ፍፃመ ደቂ ኣንስትዮ ኣትሌት ሃምሳ ኣለቃ የወርቅ ውሃ ጌታቸው ሜዳሊያ ወርቂ ከምኡ እውን ኣትሌት ሃምሳ ኣለቃ ኣያልፍም ዳኛቸው ሜዳሊያ ብሩር ተሸለምቲ ኮይኖም፡፡

ብኻእ መዳይ ብንውሓት ዝላ ደቂ ኣንስትዮ ምክትል ኣስር ኣለቃ በፀሎት ኣለማየሁን ብውርወራ ዲስክ ደቂ ኣንስትዮ ኣስር ኣለቃ ዙርጋ ዑስማንን ተሸለምቲ ሜዳሊያ ብሩር ኮይኖም፡፡