ዩኒቨርሲቲ መቐለ 19 ሕዳር ሓደሽቲ ተምሃሮ ክቕበል ኢዩ

ኣዲስ ኣበባ፣ 13 ሕዳር፣ 2017 (ኤፍ ቢ ሲ)ዩኒቨርሲቲ መቐለ ኣብ ዘበነ ትምህርቲ 2017 ኣብ ዩኒቨርሲቲ መቐለ ዝተመደቡ ሓደሽቲ ተምሃሮ ቀዳማይ ዓመት ካብብ 19 – 20 ን ሕዳር ንክምዝገቡ ፀዊዑ።

ዌብሳይት እቲ ዩኒቨርሲቲ e-student website www.mu.edu.et ካብ 13 ሕዳር 2017 ዓ/ም ጀሚሩ ክፉት ስለ ዝኾን እቶም ተምሃሮ ቅድሚ ናብቲ ዩኒቨርስቲ ምኻዶም ኣብ ዘለውዎ ኾይኖም እናተመዝገቡ ክፀንሑ ኣገንዚቡ።

ብኦንላይን ኣብ ዝምዝገቡሉ እዋን ናይ 8 ይ ክፍሊ ሰርትፍኬት፣ ናይ 12 ክፍሊ ሰርትፍኬትን ካብ 9ይ-12 ክፍሊ ትራንስክሪፕት ሰካን ገይሮም ከተሓሕዙ ይግባእ እውን ኢሉ።

ተምሃሮ ተፈጥሮ ሳይንስ ኣብ ቀፅሪ እንደየሱስ ፣ ተምሃሮ ሕብረተ-ሰብ ሳይንስ ኣብ ቀፅሪ ዓዲ-ሓቂ ብኣካል ብምኻድ ነቲ ዩኒቨርሲቲ ከፍልጡ ኣተሓሳሲቡ።

ኣብ 2016 ዓ/ም ኣብቲ ዩኒቨርሲቲ ብረሜድያል ፕሮግራም ክመሃሩ ዝፀንሑን መሕለፊ ነጥቢ ዝረኸቡን ተምሃሮ ድማ ንተምሃሮ ቀዳማይ ዓመት ኣብ ዝተገለፀ ዕለት ብኦንላይን ተመዝጊቦም ብኣካል ውን ነቲ ዩኒቨርሲቲ ከፍልጡ ይግባእ ኢሉ።

ኣብ 2017 ዓ/ም ብረሜዲያል ፕሮግራም ኣብ ዩኒቨርሲቲ መቐለ ዝተመደቡ ተምሃሮ ኣብ ቀፃሊ ስለ ዝፅውዕ ንክከታተሉ ኣተሓሳሲቡ።