ዓውደ ምርኢትን ሲምፖዚየምን “ኢትዮ- ግሪን ሞቢሊቲ 2024” ተኸፊቱ
ኣዲስ ኣበባ፣ 13 ሕዳር፣ 2017 (ኤፍ ቢ ሲ)”ኢትዮ- ግሪን ሞቢሊቲ 2024″ ዝተሰመየ ዓለም ለኸ ዓውደ ምርኢትን ሲምፖዚየምን ኣብ ኣዲስ ኣበባ ፓርክ ኢንዱስትሪ ሁዋንጃን ተኸፊቱ።
ህንፀት ሓምለዋይ ትራንስፖርት ንምብርትታዕን ተዋሳእቲ እቲ ዓውዲ ንምንቕቓሕ ዝዓለመ ዓውደ ምርኢትን ሲምፖዚየምን ኣፈ ጉባኤ ባይቶ ወከልቲ ህዝቢ ታገሰ ጫፎ ሓዊሱ ላዕለዎት ሓለፍቲ ስራሕ ከፊቶምዎ፡፡
ኣብቲ ሲምፖዚየም ዝተፈላለዩ ኣምፃእቲ፣ ገጣጠምቲ ከምኡ እውን ብዙሓት ናይ ኤሌክትሪክ ተሽከርከርቲ ከምኡ እውን ኣፍረይቲ መሰረተ ልምዓት ናይ ኤሌክትሪክ ተሽከርከርቲ ፍርያቶም ኣቕሪቦም።
ጎድና ጎድኒ እቲ ሲምፖዚየም ናይ ዝተፈላለያ ሃገራት መዳረግቲ ኣካላት እቲ ዓውዲ ዝሳተፉሎም ፓናል ዘተተታት ከምዝካየዱ ተሓቢሩ።
ብሚኒስቴር ትራንስፖርትን ሎጂስቲክስን ኣቢሉ ዝተሰናደአ ዓውደ ምርኢትን ሲምፖዚየምን ከምዝኾነ እውን ተገሊፁ፡፡
ብሳሙኤል ወርቃየሁን ሰለሞን ይታየውን