ኣትሌት ሚዛን ኣለም ኣብ ኔዘርላንድ ኣብ ዝተኻየደ ውድድር ቀዳመይቲ ብምውፃእ ተዓዊታ

ኣዲስ ኣበባ፣ 9 ሕዳር፣ 2017 (ኤፍ ቢ ሲ)ኣትሌት ሚዛን ኣለም ኣብ ኔዘርላንድ ኣብ ዝተኻየደ 15 ኪሎሜትሮ ዝሸፈነ ውድድር ቀዳመይቲ ብምውፃእ ተዓዊታ።

ኣትሌት ሚዛን ኣለም ነቲ ውድድር 46 ደቒቕን 51 ሰከንድን ብዝኾነ ሰዓት ብምእታው ውድድራ ዛዚማ።

ኔዘርላንዳዊት ኣትሌት ዲያኔ ቫንን ኢትዮጵያዊት ኣትሌት እንይሽ መንጌን ካልኣይን ሳልሳይን ደረጃ ብምሓዝ ውድድረን ዛዚመን።

ብተመሳሳሊ ኣብ ስፔን ኣብ ዝተኻየደ ውድድር ጉያ በረኻ ክሮስ ዲ ኢታሊካ ሳንቲፖንስ÷ ኣትሌት በሪሁ ኣረጋዊ ሳልሳይ ደረጃ ብምሓዝ ዛዚሙ።

ስፔናዊ ኣትሌት ቴሪ ኔዲኩምዌንዮ ብ21 ደቒቓን 24 ሰከንድን ብሩንዳዊ ኣትሌት ሮድሪግ ኪዊዘራ ድማ ብ21 ደቒቓን 24 ሰከንድን ቀዳማይን ካልኣይን ደረጃ ኣብ ዝሓዝሉ ውድድር ኣትሌት በሪሁ ኣረጋዊ 21 ደቒቓን 27 ሰከንድን ብምምዝጋብ እዩ ሳልሳይ ደረጃ ሒዙ።