ላዕለዎት ኣመራርሓ ፓርቲ ብልፅግና ኣፈፃፅማ ርብዒ ዓመት እቲ ፓርቲ ንምግምጋም ናብ ኣሶሳ ኣቲዮም

ኣዲስ ኣበባ፣ 8 ሕዳር፣ 2017 (ኤፍ ቢ ሲ)ላዕለዎት ኣመራርሓ ፓርቲ ብልፅግና ኣፈፃፅማ ርብዒ ዓመት 2017 እቲ ፓርቲ ንምግምጋም ናብ ኣሶሳ ኣቲዮም።

እቶም ኣመራርሓ ኣብ ኣሶሳ መዕርፎ ነፈርቲ ህዳሴ እንትበፅሑ÷ ምክትል ርእሰ ምምሕዳር እቲ ክልል ጌታሁን ኣብዲሳን ሓላፊ ጨንፈር ቤት ፅሕፈት ፓርቲ ብልፅግና እቲ ክልል ኣይተ ኢሳቅ ኣብዱልቃድርን ኣቀባብላ ገይሮምሎም።

ኣብቲ ክልል ኣብ ዝህልዎም ፃንሒት÷ ኣፈፃፅማ ቀዳማይ ርብዖ ዓመት 2017 እቲ ፓርቲ ብምግምጋም ቀፃሊ ኣንፈንትን መምርሒን ከቐምጡ ኢዮም ዝብል ትፀቢት ኣሎ፡፡

ላዕለዎት ኣመራርሓ ፓርቲ ብልፅግናን ሓለፍቲ ኣቢያተ ጨንፈር ፅሕፈት ፓርቲ ብልፅግና ኩለን ክልላትን ኣብቲ ክልል እናተሰርሑ ዝርከቡ ስራሕቲ ልምዓት ከምዝዐዘቡ እውን ተገሊፁ።