ኢትዮጵያ ንክትምዕብል መሰረት ዘንብሩ ትልሚታት ይትግበሩ ኣለዉ- ለገሰ ቱሉ (ዶ/ር)

ኣዲስ ኣበባ፣ 7 ሕዳር፣ 2017 (ኤፍ ቢ ሲ)ኢትዮጵያ ንክትምዕብል መሰረት ዘንብሩ ትልሚታት ይትግበሩ ኣለዉ ከብሉ ሚኒስትር ኣገልግሎት ኮሚኒኬሸን መንግስቲ ለገሰ ቱሉ (ዶ/ር) ገሊፆም።

እቶም ሚኒስትር ኣብ እዋናዊ ሃገራዊን መንግስታዊን ጠመተ ኣብ ዝገበሩ ዛዕባታት መግለፂ ሂቦም።

ኣብቲ መግለፂ፥ ኣብ ዓውዲታት ኢኮኖሚ፣ ፀፅታን ሰላምን ዝካየዱ ዘተዉ ስራሕቲ ኣብሪሆም።

ኢትዮጵያ ኣብ ባጀት ዓመት 2017 ዓ.ም ኣብ ኩሎም ዓውዲታት ንክትምዕብል መንግስቲ ኣብ ትልሚ መሰረት ዝገበረ ስራሕቲ ይትግበር ኣሎ ኢሎም።

ኣብ ቀረባ እዋን ዝተገምገመ ኣፈፃፅማ ትልሚ 100 መዓልታት ነዚ ከምዘረጋገፀ እውን ተዛሪቦም።

ናይተን ትካላት ናይ 100 መዓልታት ኣፈፃፅማ ርኡይ ተግባራት ምክያዶም ሓቢሮም።