ንሓድነትን ህንፀት ምስሊን ህዝቢታት ናይ ሰለስተ ኣዋርሕ መርሃ ግብሪ ጎስጓስ ዕላዊ ኮይኑ

ኣዲስ ኣበባ፣ 29 ጥቅምቲ፣ 2017 (ኤፍ ቢ ሲ)ሚኒስቴር ባህሊን ስፖርትን ኣብ ሓድነትን ህንፀት ምስሊን ህዝቢታት ዝዓለመ ናይ ሰለስተ ኣዋርሕ መርሃ ግብሪ ጎስጓስ ዕላዊ ገይሩ።

እቲ ጎስጓስ ካብ 7 ሕዳር ክሳብ 7 ለካቲት 2017 ዓ.ም ዝካየድ እንትኸውን÷ ኣብቲ መርሃ ግብሪ ክልላት፣ ትካላት ፌዴራልን ሃገራት ምብራቕ ኣፍሪካን ከምዝሳተፉ ተገሊፁ፡፡

ኣብ ዓውዲ ባህሊ፣ ኪነ-ጥበብን ስነ-ጥበብን ዘሎ ኩሎመዳያዊ ሃገራዊ ረብሓ ንምዕባይ ዘኽእል ጎስጓስ ኢዩ ተባሂሉ፡፡

ካብዚ ብተወሳኺ ዞባዊ ምትእስሳር ንምጥንኻር ዝዓለመ ፌስቲባል ባህሊን ኪነ – ጥበብን ህዝቢታት ምብራቕ ኣፍሪካ ከምዝካየድ እውን ተሓቢሩ፡፡

እቲ ፌስቲቫል ኢንዱስትሪ ኪነ – ጥበብ ኢትዮጵያ ዘዕቢ ከምዝኾነ ዝተብሃለሉ እንትኸውን÷ ባህሊን ኪነ-ጥበብን  ኣብ ምፍላጥ ኣስተዋፅኦ ንዘበርከቱ ኣካላት ኣፍልጦ ከምዝወሃብ እውን ተሓቢሩ፡፡

ብየሻምበል ምህረት