ፀወታታት ሻምፒየንስ ሊግ ሎሚ መዓልቲ ክካየዱ ኢዮም

ኣዲስ ኣበባ፣ 26 ጥቅምቲ፣ 2017 (ኤፍ ቢ ሲ)ራብዓይ ዙር ውድድራት ሻምፒየንስ ሊግ ኣውሮፓ ሎሚ ምሸት ዝካየዱ እንትኾኑ÷ ሪያል ማድሪድ ምስ ኤሲሚላን ከምኡ እውን ሊቨርፑል ምስ ባየርሊቨርኩሰን ዝገብረኦ ፀወታ ትፅቢት ይግበረሉ፡፡

ምሽት ሰዓት 2፡45 ፒኤስቪ አይንድሆቨን ምስ ስፔናዊት ጋንታ ዢሮና፤ ከምኡ እውን ስሎቫኪያዊት ስሎቫን ብራቲስላቫ ምስ ክሮሺያዊት ጋንታ ዳይናሞ ዛግሬብ ክፃወታ ኢየን፡፡

ብካሊእ መርሃ ግብሪ ፀወታ ምሸት ሰዓት 5 ኣብ ስታዲየም ሳንቲያጎ ቤርናባው ሪያል ማድሪድ ምስ ኤሲሚላን ዝገብረኦ ፀወታ ልዑል ኣቓልቦ ስሒቡ ይርከብ፡፡

ካብዚ ብተወሳኺ መርሲሳይድ ሊቨርፑል ምስ ባየርሊቨርኩሰን ዝገብረኦ ፀወታ ትፅቢት ዝግበረሉ እንትኸውን÷ ኣሰልጣኝ ዣቪ ኣሎንሶ ተፃዋታይ ኮይኑ ናብ ዝነገሰላ ሜዳ ኣንፊልድ ብምምራሕ ንነበር ጋንትኡ ብኣሰልጣናይነት ክገጥም ኢዩ፡፡

ብተመሳሳሊ ምሸት ሰዓት 5 ጣሊያናዊት ጋንታ ቦሎኛ ምስ ፈረንሳዊት ጋንታ ሞናኮ፣ ቦሩሺያ ዶርቱመንድ ምስ ኦስትሪያዊት ጋንታ ስትረም ግራዝ፣ ስኮትላንዳዊት ጋንታ ሴልቲክ ምስ ጀርመናዊት ጋንታ ኣር ቢ ሌይብዚግ፣ ፈረንሳዊት ጋንታ ሊል ምስ ጁቬንቱስ ከምኡ እውን ፖርቹጋላዊት ጋንታ ስፖርቲንግ ሊዝበን ምስ ጋንታ ማንቼስተር ሲቲ ክፃወታ ኢየን፡፡