ትካላት ሃይማኖት ፅንፈኝነትን ናይ ምክፍፋል ኣተሓሳስባን ንምውጋድ ብቑርፀንነት ክስርሓ ይግባእ-ፕሬዚዳንት ታዬ ኣፅቀስላሴ

ኣዲስ ኣበባ፣ 25 ጥቅምቲ፣ 2017 (ኤፍ ቢ ሲ)ትካላት ሃይማኖት ንዓለም ፈተና ዝኾነ ፅንፈኝነትን ናይ ምክፍፋል ኣተሓሳስባን ንምውጋድ ብቑርፀንነት ክስርሓ ይግባእ ክብሉ ፕሬዚዳንት ታዬ ኣፅቀስላሴ ገሊፆም።

ሚኒስቴር ሰላም ኣብ ሕቡራት ኢሜሬትስ ዓረብ ምስ ዝርከብ ዩንቨርስቲ መሓመድ ቢን ዛይድ ፎር ሁማኒቲ ብምትሕብባር ዘሰናደኦ ዓለም ለኸ ጉባኤ ትካላት ሃይማኖት ኣብ ኣዲስ ኣበባ የካይድ ኣሎ።

ፕሬዚዳንት ታዬ ኣፅቀስላሴ፥ ትካላት ሃይማኖት ናይ ምክእኣል፣ ሓቢርካ ናይ ምንባርን ናይ ምትሕስሳብን ክብሪ ኣብ ምጥንኻር ግደአን ክዋፅኣ ይግባእ ኢሎም።

ኢትዮጵያ ብዝሃ ሃይማኖት ብሓባር ተኸኣኢሎም ዝነብሩላ ሃገር ብምዃና ንዓለም ልዑል ኣብነት ኢያ ኢሎም።

ትካላት ሃይማኖት ንዓለም ፈተና ዝኸውን ዘሎ ፅንፈኝነትን ናይ ምክፍፋል ኣተሓሳስባን ንምውጋድ ብቑርፀንነት ክስርሑ ይግባእ ክብሉ ገሊፆም ክብል ግዜኢ ፀብፂቡ።