ልምዓት ኮሪደር ሽም ኢትዮጵያ ሓፍ ዘብል ኢዩ – ጋዜጠኛታት

ኣዲስ ኣበባ፣ 22 ጥቅምቲ፣ 2017 (ኤፍ ቢ ሲ)ኣብታ ከተማ ዘሎ ልምዓት ኮሪደር ውቁብን መብፅሒ ቱሪዝምን ሽም ኢትዮጵያ ሓፍ ዘብሉ ከምዝኾኑ ጋዜጠታት ዝተፈላለያ መራኸብቲ ሓፋሽ ገሊፆም።

“ሚዲያ ንብሄራዊ ተረኽን ህንፀት ሃገርን” ብዝብል መሪሕ ሓሳብ ንሰብ ሞያን ኣመራርሓን መራኸብቲ ሓፋሽ ንሰለስተ መዓልቲ ስልጠና ተዋሂቡ፡፡

ኣብ መዛዘሚ እቲ ስልጠና ሕድሳት ቤተ-መንግስቲ ብሄራዊ እዮቤልዩ ሓዊሱ ኣብ ኣዲስ ኣበባ ዝተወገኑ ኣብ ምስላጥ ዝርከቡን ስራሕቲ ልምዓት ኮሪደር ጎብኒዮም።

ኣብቲ እዋን ንግዜኢ ርኢቶኦም ዝሃቡ ጋዜጠኛታት ከምዝገለፁዎ÷ እናተወገኑ ዝርከቡ ስራሕቲ ምትእስሳር ትማሊ፣ ሎሚን ፅባሕን ዘርእዩ ኢዮም፡፡

“ብመንግስቲ ቃል ዝተኣተዉ ስራሕቲ ብጭቡጥ ኣብ ባይታ ከምዝወረዱ ተዓዚብና ኢና” ክብሉ እውን ገሊፆም፡፡

ዓውዲ ቱሪዝም ንዕቤት ሃገር ብፅሒቱ ንኽዋፃእ ብመንግስቲ ዝተሃነፁ ውቁባት መስሕብ ቦታታት መራኸብቲ ሓፋሽ ከፋልጡዎም ከምዝግባእ እውን ኣመልኪቶም፡፡