ሳፋሪኮምን ሄሊዎስ ታዎርስን ኣብ ኢትዮጵያ ኣብ ዘፈር ተሌኮም ንምውፋር ድሌት ከምዘለዎም ገሊፆም

ሓላፊ ፋይናንስ ሄሊዎስ ታዎርስ ቶም ግሪንውድ፥ ኢትዮጵያ ንትካሎም ሰሓቢት ዝኾነት መባፅሒት ዕዳጋ ከምዝኾነት ተዛሪቦም።

ኣብ ዕዳጋ ኢትዮጵያ ንምውፋር ድማ ምስ መዳርግቲ ኣካላት ስምምዕነት ብምግባር ከምምዝተዳለዉ ገሊፆም።

ዋና ፈፃሚ ስራሕ ኩባንያ ሳፋሪኮም ፒተር ንዴግዋ ብግደኦም፥ እቲ ትካል ምስ መዳርግቱ ብምዃን ኣብ ኢትዮጵያ ፍቓድ ንምርካብ ድሌት ከምዘለዎ ተዛሪቦም።

ዘፈር ቴሌኮሙዩኒኬሽን ኣብ ዓለም ናይ ምዕባይ ዕድል ካብ ዘለዎም ኢንዱስትሪታት ሓደ ምዃኑ እቶም ዋና ፈፃሚ ስራሕ ኣገንዚቦም።

ኢትዮጵያ ኣብዚ ሕዚ እዋን ብኢንዱስትሪ ቴሌኮም ተመረፅቲ ካብ ዝኾና ሃገራት ሓንቲ ከምዝኾነት እውን ኣብሪሆም።

እቶም ኩባኒያታት፥ ኢትዮጵያ ዘለዋ በዝሒ ህዝቢ ኣብ ዓውዲ ቴሌኮ ንኽዋፈሩ ምኽንያት ከምዝኾኖም ኣፍሊጦም።

ፍልፍል፡- standardmediaን developingtelecomsን

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana