ሓማስ እስራኤል ዘቕረበቶ ተኹሲ ደው ናይ ምባል ሓሳብ ብእወንታ ከምዝርእዮ ኣፍሊጡ

ፕሬዚዳንት ኣሜሪካ ጆ ባይደን ኣብ ዝገበርዎ መደረ፥ ፈለማ እቲ ትልሚ ሙሉእ ብሙሉእ ተግባዊ ምግባር፣ ወተሃደር እስራኤል ህዝቢ ካብ ዝበዝሓሎም ከባቢታት ምውፃእን እሱራት ምቅይያርን ዝብሉ ሓሳባት ምክታቶም ገሊፆም።

ኣብ ጋዛ ዘሎ ጎንፂ ደው ንምባል እስራኤል ዘቕረበቶ ሓሳብ ሃማስ ንክቕበል ዘተሓሳሰቡ እቶም ፕሬዚዳንት፥ በዚ ኣቢልካ እቲ ኩይናት ደው ክብል ምግባር ከምዝከኣል ኣገንዚቦም።

ፕሬዚዳን ባይደን ኩይናት ጋዛ ዘብቀዐሉ እዋን ሐዚ ኢዩ ኢሎም።

ን6 ሰሙናት ኣብ ዝፀንሕ ደው ምባል ተኹሲ ሰራዊት ምክልኻል እስራኤል ህዝቢ ካብ ዝበዝሓሉ ከባቢ ጋዛ ዘውፅእ ኢዩ።

እዚ ድማ ናብ ጋዛ ዝኸይድ ሰብኣዊ ደገፍ ንክውስኽ ዘኽእል ኢዩ ከምዝተብሃለ ቢቢሲ ፀብፂቡ።