ኣብ ዓውዲ ኣቪዬሽን ዓለም ለኸ ዝምድና ንምምዕባል ዝዓለመ መድረኽ ይካየድ ኣሎ

ኣዲስ ኣበባ፣ 13 ግንቦት፣ 2016 (ኤፍ ቢ ሲ)ኣብ ዓውዲ ኣቪዬሽን ዓለም ለኸ ዝምድና ንምምዕባል ዝዓለመ መድረኽ ኣብ ሱዑዲ ዓረብ-ሪያድ ይካየድ ኣሎ።

ኣብቲ መድረኽ ልዕሊ 5 ሺሕ ኣብቲ ዓውዲ ዘለዎ ኣፍረይቲ ኣውሮፕላናት፣ ትካላት ወሃብቲ ኣገልግሎት በረራ፣ ማእኸላት ትምህርቲን ምርምርን ኣቪዬሽን፣ ምሁራን፣ ኣብቲ ዓውዲ ውሳነ ወሃብቲ ኣመራርሓ መንግስታትን ትካላትን ዓለም ይሳተፉ ኣለዉ።

ብሚኒስትር ትራንስፖርትን ሎጂስቲክስን ኣለሙ ስሜ (ዶ/ር) ዝተመርሐ ልኡኽ ኢትዮጵያ ብምውካል ኣብቲ መድረኽ ይሳተፍ ኣሎ።

እቲ ልኡኽ ጎኒ ንጎኒ እቲ መድረኽ ኣብ ዝህልዉ ክልቲኣዊ ዘተታት ምስ ዝተፈላለዩ ኣካላት ክላዘብ ይኽአል ኢዩ ዝብል ትፅቢት ከምዘሎ ኣብቲ ሚኒስቴር ዝረኸብናዮ ሓበሬታ የረድእ።