ኣብ ኣዘርባጃን ዝነበረና ፈላማይ ውዕሎ ኣብ መንጎ ክልቲአን ሃገራት ዘሎ ርክብ ንምጥንኻር መገዲ ዝኸፈተ ኢዩ-ም/ቀ ሚ/ር ተመስገን ጥሩነህ

ኣዲስ ኣበባ፣ 6 ግንቦት፣ 2016 (ኤፍ ቢ ሲ)ኣብ ኣዘርባጃን ዝነበረና ፈላማይ ውዕሎ ኣብ ዝተፈላለዩ ዓውዲታት ብሓባር ምልማዕን ኣብ መንጎ ክልቲአን ሃገራት ዘሎ ርክብ ንምጥንኻርን መገዲ ዝኸፈተ ኢዩ ክብሉ ምክትል ቀዳማይ ሚኒስትር ተመስገን ጥሩነህ ገሊፆም።

እቶም ምክትል ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ኣዘርባጃን ብዲጂታል ኣገልግሎት ብፍላይ ብትካላት መማዕበሊ ክእለትን ተበፃሕነት ዘበናዊ ስቪል ሰርቪስን ኣብ ዝለዓለ መገዲ ትርከብ ኢሎም።

ተዘዋዊሮም ዝረኣዩወን ትካላት እታ ሃገር ብዲጂታል ስርዓት ልዑል ተመክሮ ከምዘለዋ ዘርእይ ምዃኑ እውን ኣብሪሆም።

ኣብ መንጎ ክልቲአን ሃገራት ኣብ ዓውዲ ፐብሊክ ሰርቪስ ስልጠትን ተሓታትነትን ዝነገሰሉ ኣሰራርሓ ዕላዊ ንምግባር ከምኡውን ስራሕቲ ተቐራሪብካ ንምትግባር ዘኽእል ስምምዕነት ምኽታሙ ገሊፆም።

ኣብ ቀፃሊ ኢትዮጵያ ዝጀመረቶ ኩለ መዳይ ስራሕቲ ሪፎርም ብዲጂታላይዜሽን ብምሕጋዝ ዝለዓለ ስራሕ ንምትግባርን ጠንካራ ስርዓት ስቪል ሰርቪስ ንምርግጋፅን ምስ ኣዘርባጃን ተቐራሪብካ ንምስራሕ ዘኽእል ስምምዕነት ከምዝተገበረ ተዛሪቦም።