ዊንጉ ኣፍሪካ ኣብ ኢትዮጵያ ዝሃነፆ ማእኸል ዳታ ዓለም ለኸ መለክዒ ስለዘማለአ ወረቐት ምስክር ረኺቡ
ኣዲስ ኣበባ፣ 9 ሚያዝያ፣ 2016 (ኤፍ ቢ ሲ)ዊንጉ ኣፍሪካ ብ50 ሚሊየን ዶላር ወፃኢ ኣብ ኢትዮጵያ ዝሃነፆ ማእኸል ዳታ ዓለም ለኸ መለክዒታት ብምላእ ወረቐት ምስክር ረኺቡ።
ዓለም ለኸ ምዘና እናተገበረሉ ብምፅናሕ ደረጃ ”ቲር” 3 ብምምላእ ወረቐት ምስክር ዝረኸበ እቲ ማእኸል÷ ንመንግስቲን ውልቀ ትካላትን ድሕንነቱ ዝተሓለወ ቅልጡፍ ዘተኣማምንን ግልጋሎት ሓበሬታ ከምዝህብ ተገሊፁ፡፡
ሚኒስትር ዴኤታ ኢኖቬሽንን ቴክኖሎጂን ይሽሩን ኣለማየሁ (ዶ/ር)÷ እቲ ማእኸል ወረቐት ምስክር ምርካቡ ኣብ ዕዳጋ ዓለም ዘሎ ተወዳዳሪነት ካብ ምድንፋዕ ሓሊፉ ስግግር ዲጂታል ኢትዮጵያን ዘቀላጥፍ ምዃኑ ኣልዒሎም፡፡
ዋና ፈፃ ስራሕ ዊንጉ ኣፍሪካ ኣንቶኒ ቮስካርዲስ ብግደኦም÷ ወረቐት ምስክር ምርካቡ ኣብ ጉዕዞ ትራንስፎርሜሽን ዲጂታል ኢትዮጵያ ዓብዪ ምዕራፍ ከምዝኸፍት ምግላፆም ካብቲ ሚኒስቴር ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com