ኣብ ዘበነ ምህርቲ እዚ ዓመት እንተይተሓረሰ ፆሙ ዝሓድር መሬት ኣይህሉን – ቀ/ሚ ኣቢይ

ኣብቲ እዋን ዘተ ድማ ኣብ ክረምቲ ኣዋርሕ ብምኽንያት ክልቲኦም ፀገማት ተወሳኺ 15 ሚሊየን ሰባት ሓገዝ ከድሊዮም ይኽእል ኢዩ ዝብል ትፅቢት ከምዘሎ ተገሊፁ።

ካብዚ ሓሊፉ ድማ ምህርቲ ክቕንስ ከምዝኽእልን ካብ ወፃኢ ዝኣቱ ስርናይ ኣብ ለኣኽቲ ብዝፍጠር ፀገም ምኽንያት ስርናይ ዘይክህሉ ይኽእል ኢዩ ተባሂሉ።

ክፍጠር ዝኽእል ጉድለት ምህርቲ ንምምላእ ድማ ክልላት ሕድሕድ ተሓራሳይ መሬት ንክሕረስ ክገብሩ ከምዝግባእ ቀዳማይ ሚኒስትር ኣቢይ ተዛሪቦም።

እቲ መሬት ዝሓዙ ሰባት ፈለማ ምህርቲ ንኸፍርዩ ክግበር ኢዩ ዝበሉ እቶም ቀዳማይ ሚኒስትር፥ እዚ እንተዘይኮይኑ ግን ብቕልጡፍ ናብ ስራሕ ክኣቱ ክግበር ይግባእ ኢሎም።

ብመሰረት እዚ ኣብ እዋን ክረምቲ ዝፈሪ ስሩዕ ምህርቲ ከምዘሎ ኮይኑ ኣብ ዋና ዋና ዝራእቲ ተወሳኺ 40 ሚሊየን ኩንታል ምህርቲ ምፍራይ ከምዝተሃቀነ ተገሊፁ።

ዕምበባ ሓዊሱ ኣትክልቲን ፍረምረን ድማ ተወሳኺ 50 ሚሊየን ኩንታል ንምፍራይ ቅድመ ምድላው ክግበር ኣለዎ ተባሂሉ።

ብኣላዛር ታደለ

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana