ቀ/ሚ ኣቢይ ኣብ ቅድመ ምድላው ሓምለዋይ ዓሸራ ተኸላ ፈልሲ ኣድሂቦም ምስ ዝምልከቶም መዳርግቲ ኣካላት ተዛቲዮም

ኣብ ዝሓለፈ ዓመት ዝተኻየደ ተኸላ ፈልሲ፥ ምልዕዓል ህዝቢ፣ ብቑዕ ተሳትፎ ኣመራርሓ መንግስቲ፣ ምትሕብባር ትካላትን መዳርግቲ ኣካላትን ልዑል ኣስተዋፅኦ ከምዝነበሮ ተገሊፁ።

እቶም ናይ ዝሓለፈ ዓመት ፅቡቓት ተሞክሮታት ምድንፋዕ ከምዘድሊ እውን ኣብቲ ዘተ ተገሊፁ።

ኣብዚ ዓመት 5 ቢሊየን ፈልሲታት ንምትካል ትልሚ ዝተትሓዘ እንትኸውን፥ ነዚ ዝኸውን በዝሒ ዘለዎም ፈልሲታት ናይ ምርባሕ ቅድመ ምድላው እናተሳለጠ ፀኒሑ ኢዩ።

ቀዳማይ ሚኒስትር ኣቢይ፥ እቲ ጅማሮ ክቕፅል ምግባር ከምዘድሊን ኣብ ዝቕፅሉ ሒደት ዓማውቲ ብብርኪ ሃገር 20 ቢሊየን ፈልሲታት ብምትካል ከምዝቕፅልን ምግላፆም ካብ ቤት ፅሕፈት ቀዳማይ ሚኒስትር ዝረኸብናዮ ሓበሬታ የረድእ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana