ክላስተር ፕሮግራም ኮሜርሻላይዜሽን ሕርሻ ኢኮኖሚ ንምዕባይ ግድኡ ልዑል ከምዝኾነ ተገሊፁ
ኣዲስ ኣበባ፣ 26 ጥቅምቲ፣ 2016 (ኤፍ ቢ ሲ)ክላስተር ፕሮግራም ኮሜርሻላይዜሽን ሕርሻ ኢኮኖሚ ንምዕባይ ግድኡ ልዑል ከምዝኾነ ሚኒስቴር ሕርሻ ኣፍሊጡ፡፡
ኣፈፃፅማ ትልሚ በጀት ዓመት 2015 ዓ.ምን ትልሚ በጀት ዓመት 2016ን ክላስተር ፕሮግራም ኮሜርሻላይዜሽን ሕርሻ መድረኽ ግምገማ ተኻይዱ፡፡
ኣብቲ መድረኽ ዝተረኸቡ ሚኒስትር ሕርሻ ግርማ ኣመንቴ (ዶ/ር)÷ኢንስቲትዩት ትራንስፎርሜሽን ሕርሻን ትካላት መሓዙት ልምዓትን ዕዳጋ ተኮር ኩታ-ገጠም ሕርሻ ንምስፋሕ ዝገብሩዎ ፃዕሪ ንኢዶም፡፡
ኣብ ሰሜን ኢትዮጵያ ኣጋጢሙ ብዝነበረ ጎንፂ ኣብ ትግራይ ተቋሪፁ ዝነበረ ስራሕቲ ክላስተር ኮሜርሻላይዜሽን ሕርሻ ንኽቕፅል ኣብቀረባ እዋን ነቲ ክልል ዝተገበረ ሓገዝ ዝምልከት ፀብፃብ ኣብቲ መድረኽ ቀሪቡ ልዝብ ተገይሩሉ፡፡
እቲ ፕሮግራም ኣብ ክልላት ትግራይ፣ ኦሮሚያ፣ ኣምሓራ፣ ማእኸላዊ ኢትዮጵያ፣ ደቡብ ኢትዮጵያ፣ ህዝቢታት ደቡብ ምዕራብ ኢትዮጵያን ሲዳማን ኣብ 300 ወረዳታት ተግባራዊ እናተገበረ ከምዝርከብ ካብቲ ሚኒስቴር ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com