ሰራዊት ምክልኻል ሃገር ካብ ኢትዮጵያ ዝነኣሰ ዕላማ ኣይብሉን-ቀ/ሚ ኣቢይ ኣሕመድ(ዶ/ር)

ኣዲስ ኣበባ፣ 15 ጥቅምቲ፣ 2016 (ኤፍ ቢ ሲ)ሰራዊት ምክልኻል ሃገር ካብ ኢትዮጵያ ዝነኣሰ ዕላማ ኣይብሉን ክብሉ ቀዳማይ ሚኒስትር ኣቢይ ኣሕመድ(ዶ/ር) ገሊፆም።

እቶም ቀዳማይ ሚኒስትር “ብዝተፈተነ ቁፅሪ ዝፀንዕ ሰራዊት ዓወት” በዝብል መሪሕ ሓሳብ ኣብ ኣዲስ ኣበባ መስቀል ኣደባባይ ኣብ ዝኽበር ዘሎ መበል 116 መዓልቲ ሰራዊት ምክካል ሃገር ብምርካብ መልእኽቲ ኣመሓላሊፎም።

ኣብ መልእኽቶም፥ ሰራዊት ኢትዮጵያ ቀንዲ ዕላምኡ ሰላም ምፅናዕ ከምዝኾነ ሓቢሮም።

ሰራዊት ደሙ ዘፍስሶ፣ ኣዕፅምቱ ዝግብሮ፣ ህይወቱ መስዋእቲ ዝገብር ሰላም ንምርግጋፅ ኢዩ ኢሎም።

ሰራዊት ምክልኻል ሃገር ካብ ኢትዮጵያ ዝነኣሰ ዕላማ ኣይብሉን ዝበሉ እቶም ቀዳማይ ሚኒስትር፥ ሰራዊት ምክኻል ሃገር ዝተወደበ ንኢትዮጵያዊያን፣ ዝምርሖ ብኢትዮጵያዊያንን ዝሰርሖ ንኢትዮጵያ ኢዩ ኢሎም።

“እንትንነበር ኢትዮያዊ አንትንመውት ኢትዮጵያ “ ዝበሃል ሓሳብ በግልፂ ዝግለፀሉ ትካል ከምዝኾነ ኣብሪሆም።

እቲ ሰራዊት ኣብ ዝከደሎም ከባቢታት ኩሉ ኣብ ኩለን ክልላት ኢትዮጵያን ኣብ ኣፍሪካ ኣብ ዝተዋፈረሉ ሃገር ሓርስቶት ዝሕግዝ፣ ቤት ትምህርቲ ዝሃንፅ፣ ሰላም፣ ልምዓት፣ ሓድነትን ሕብረትን ምልክት ስለዝኾነ ኢዩ ክብሉ ገሊፆም።

ምልክት ሰላም ዝኾነ ሰራዊት ምክልዃል ሃገር ምልክት ልምዓት ብምዃን ንክቕፅል ናይ ኣተሓሳስባ፣ ኣወዳድባን ናይ ምትግባር ዓቕሚን ሪፎርም ምክያዱ ኣዘኻኺሮም።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።