ውሕመ ኣብ ኢትዮጵያ ናይ ውሽጢ ሃገር ምምዝባል ንምክልኻል ዘኽእል ድጋፍ ከምዝገብር ገሊፁ
ኣዲስ ኣበባ፣ 1 ጥቅምቲ፣ 2016 (ኤፍ ቢ ሲ)ውድብ ሕቡራት መንግስታት (ውሕመ) ኣብ ኢትዮጵያ ናይ ውሽጢ ሃገር ምምዝባል ንምክልኻል ዘኽእል ድጋፍ ከምዝገብር ኣፍሊጡ።
ሚኒስትር ዴኤታ ሚኒስቴር ጉዳያት ወፃኢ ኣምባሳደር ምስጋኑ ኣርጋ ምስ ፍሉይ ኣማኻሪ ምፍንቓል ውሽጢ ሃገር ዋና ፀሓፊ ውሕመ ሮበርት ፓይፐር ተዛቲዮም፡፡
ኣምባሳደር ምስጋኑ ኣብ ዘተኦም÷ ናይ ውሽጢ ሃገር ምምዝባል ኣብ ምቁፅፃር ዝረአዩ ፀገማት ንምፍታሕ ብምውዳድ ምስራሕ ከምዝግባእ ኣብሪሆም፡፡
መንግስቲ ናይ ውሽጢ ሃገር ምምዝባል ብዘላቕነት ንምፍታሕን ተመዛበልቲ ናብ መረበቶም ንምምላስ ስራሕቲ ተሃድሶን ዳግመ ህንፀትን እናወገነ ከምዝርከብ እውን ገሊፆም፡፡
ውሕመ ብምኽንያት ዝተፈላለዩ ፀገማት ጉድኣት ዝበፅሖም ዜጋታት መሊስካ ንምጥያሽ ዝግበር ፃዕሪ ንኽድግፍ እቶም ኣምባሳደር ሓቲቶም፡፡
ፍሉይ ኣማኻሪ ምፍንቓል ውሽጢ ሃገር ዋና ፀሓፊ ውሕመ ሮበርት ፓይፐር ብግደኦም÷ ናይ ውሽጢ ሃገር ምምዝባል ንምቁፅፃር ውሕመ ንኢትዮጵያ ሓገዝ ከምዝገብር ምግላፆም ካብቲ ሚኒስቴር ዝረኸብናዮ ሓበሬታ የረድእ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com