ኣብ እዋን በዓል ዳሜራ መስቀል ርችት ምትኳስ ኣይከኣልን – ፖሊስ ኣዲስ ኣበባ
ኣዲስ ኣበባ፣ 14 መስከረም፣ 2016 (ኤፍ ቢ ሲ)ኣብ እዋን በዓል ዳሜራ መስቀል ርችት ምትኳስ ብፍፁም ዝተኸልከለ ምዃኑ ፖሊስ ኣዲስ ኣበባ ኣገንዚቡ።
ምስ ፋና ብሮድካስቲንግ ኮርፖሬት ፃንሒት ዝገበሩ ዳይሬክተር ርክብ ህዝቢ ፖሊስ ኣዲስ ኣበባ ምክትል ኮማንደር ማርቆስ ታደሰ÷ በዓላት ዳሜራ፣ መስቀል፣ መውሊድን ኢሬቻን ክብሪታቶም ሓሊዮም ብሰላም ንኽኽበሩ ስራሕቲ ፀፅታን ድሕንነትን እናተሰርሑ ከምዝርከቡ ገሊፆም።
ብግብረ ሓይሊ ፀፅታን ድሕንነትን ዝምራሕ ሓይሊ ሓፈሻዊ ምድላዋቱ ዛዚሙ ናብ ስራሕ ከምዝኣተወ ብምሕባር÷ እቶም በዓላት ብሰላም ተኸቢሮም ንኸሓልፉ ሕብረተሰብ ምስ ሓይሊታት ፀፅታ ብሓባር ንኽሰርሕ ሓቲቶም።
ብፍላይ ሕብረተሰብ ኣብ በዓል ዳሜራ መስቀል ዝተኸልከሉ ነገራት ክሕዝ ከምዘይብሉን ንዝህልዉ ፍተሸታት ክተሓባበር ከምዝግባእን ኣገንዚቦም።
ካብዚ በተወሳኺ በቢከባቢኡ ዝስርሑ ዳሜራታት ሓደጋ ከየጋጥም ጥንቃቐ ምግባር፣ ቅድሚ ሕዚ ሜራ ተሰሪሑሎም ዘይፈልጡ ቦታታት መበገሲ ናዕቢ ከይኾኑ ቅድሚ ሕዚ ዝነበሩ ጥራሕ ምጥቃም ከምዝግባእ ኣተሓሳሲቦም።
ኣብቶም በዓላት ርችት ምትኳስ ብፍፁም ዝተኸልከለ ከምዝኾነ ዝገለፁ ምክትል ኮማንደር ማርቆስ÷ “እቲ ክልከላ ርችት ሽፋን ብምግባር ዘይሕጋውያን ጦር መሳርሒታት ዝፍትኑሉ እዋን ብምዃኑ ኢዩ” ኢሎም።
ብመሳፍንት እያዩ
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com