ኩባኒያ መፍረዪ ወረቀት ብሪቲሽ ኣብ ሩሲያ ዝርከብ ፋብሪክኡ ከምዝሸይጥ ማዃኑ ኣፍሊጡ
ኣዲስ ኣበባ፣ 8 መስከረም፣ 2016 (ኤፍ ቢ ሲ)ኩባኒያ መፍረዪ ወረቀትን መዕሸጊን ‘ሞንዲ’ ብሪቲሽ ካብ ሩሲያ ሙሉእ ብሙሉእ ለቒቑ ንምውፃእ ኣብታ ሃገር ዝተረፎ ናይ መወዳእታ ፋብሪካ ንምሻጥ ኣብ ስምምዕነት ከምዝበፅሐ ኣፍሊጡ።
እቲ ኩባንያ ኣብ ዝሃቦ መግለፂ÷ እቲ መፍረዪ ወረቐት ኣብ ሞስኮ ንዝርከብ ሃናፂ ሪል ስቴት ገንቢ ሴዛር ግሩፕ ብ80 ቢሊየን ሩብል ማት እውን ብ825 ነጥቢ 7 ሚሊየን ዶላር ንምሻጥ ኣብ ስምምዕነት ከምዝበፅሐ ገሊፁ።
ኣብ ሩሲያ ወረቐትን ካርቶንን ብምፍራይ ንዕዳጋ ውሽጢ ሃገር ዘቕርብ ፋብሪካ እንትኸውን÷ 4 ሺሕን 500 ንዝኾኑ ዜጋታ ዕድል ስራሕ ዝፈጠረ ከምዘኾነ ተሓቢሩ።
ከም ኣቆፃፅራ ኣውሮፓውያን ኣብ መዛዘሚ 2022 ብሓፈሻ ናብ 1 ነጥቢ 16 ቢሊየን ዶላር ዝፅጋዕ ኣታዊ ከምዝረኸበ ተገሊፁ።
እ ኩባንያ ካብ ኤጀንሲ ፀረ-ሞኖፖሊን ኢንቨስትመንታትን ሩሲያን ካብ ዝምልከቶ ኮሚሽን መንግስቲን ፍቓድ ከምዝረኸበ ዝገለፀ እንትኸውን÷ ከይዲ መሸጣ ኣብ ወርሒ ታሕሳስ ክዛዘም ኢዩ ዝብል ትፅቢት ኣሎ።
ኩባኒያ ሞንዲ ኣብ ልዕሊ 30 ሃገራት 22 ሺሕ ሰራሕተኛታት ዘለዉዎ ዓለም ለኻዊ ኣፍራዪ ወረቐትን መዕሸጊን እንትኸውን÷ ከም ኣቆፃፅራ ኣውሮፓውያን ኣብ 2022 ጥራሕ 9 ነጥቢ 5 ቢሊየን ዶላር ኣታዊ ምርካቡ ተሓቢሩ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com