ካብ 7 ክሳብ 11 መስከረም ሰሙነ ትምህርቲ ብምዃን ከምዝኽበር ተገሊፁ

ኣዲስ ኣበባ፣ 5 መስከረም፣ 2016 (ኤፍ ቢ ሲ)ካብ 7 ክሳብ 11 መስከረም 2016 ዓ.ም ሰሙነ ትምህርቲ ብምዃን ከምዝኽበር ሚኒስቴር ትምህርቲ ገሊፁ።

እቲ ሚኒስቴር ኣብ ዘመሓላለፎ መልእኽቲ፥ ክልላት ብብሄራዊ ፈተናን ካልኦት ክልላዊ ነባራዊ ኩነታትን መበገሲ ብምግባር ዝተወሰኑ ለውጢታት ክግበሩ ይኽእሉ ኢዮም ኢሉ።

14 መስከረም 2016 ዓ.ም ቀዳማይ ወሰነ ትምህርቲ ስሩዕ ምምሃር ምስትምሃር ከምዝጅመር ብምሕባር፥ ኣብቲ ዕለት ፈነወ ትምህርቲ ሬዲዮን ቴሌቪዥንን ከምዝጅምር ገሊፁ።

ካብ 27 ጥሪ ክሳብ 1 ለካቲት 2016 ዓ.ም ቀዳማይ ወሰነ ትምህርቲ መዛዘሚ ፈተና ከምዝወሃብ ሓቢሩ።

4 ክሳብ 8 ለካቲት ድማ ኣብያተ ትምህርቲ ንተምሃሮአን ዕፁው ዝኾነሉ ኢዩ ኢሉ።

18 ለካቲት 2016 ዓ.ም ካልኣይ ምዕራፍ ወሰነ ትምህርቲ ስሩዕ ምምሃር ምስትምሃር ዝጅመረሉ ከምዝኾነ ዝገለፀ እቲ ሚኒስቴር፥ ኣብቲ ዕለት ፈነወ ትምህርቲ ሬዲዮን ቴሌቪዥንን ከምዝጅምር ገሊፁ።

12 ክሳብ 23 ግንቦት ፈተና 12 ክፍሊ ክወሃብ ኢዩ ኢሉ።

3 ክሳብ 7 ሰነ ክልላዊ ፈተና ሻምናይ ክፍሊ ዝወሃብ እንትኸውን፥ 17 ክሳብ 21 ሰነ ድማ መዛዘሚ ፈተና ካልኣይ ምዕራፍ ወሰነ ትምህርቲ ዝወሃበሉ ከመዝኾነ ተሓቢሩ።

30 ሰነ 2016 ዓ.ም መዛዘሚ ትምህርቲ ከምዝኸወን ኣብቲ ሚኒስቴር ዝረኸብናዮ ሓበሬታ የረድእ።

እዋናዊ ሓበሬታ ንምርካብ፦

ቴሌግራም ገፅናhttps://t.e/tigrignafana

ድረ ገፅና https://www.fanabc.com/tigrigna/

ትዊተር ገፅና https://twitter.com/fanatelevision

ዩቲዩብ ቻናል FBC Tigrigna

https://www.youtube.com/…/%E1%88%B0%E1%89%A5%E1%88%B5… ይግበሩ/ራ!

ሓዱሽ መተግበሪ ፋና ብሮድካስቲንግ ኮርፖሬት

https://play.google.com/store/apps/details… ኣብ ቴሌፎኖም/ነን ብምፅዓን ቀጥታ ፈነወ ቴሌቪዥን፣ ኤፍኤም 98.1ን ብሄራዊ ራዲዮን ይከታተሉ/ላ። ተንቀሳቐስቲ ምስልታት እውን ይከታተሉ/ላ።