ዶናልድ ትራምፕ ኣብ ኣሜሪካ ፕሬዚዳንታዊ ክትዕ ሪፐብሊካን ፓርቲ ከምዘይሳተፉ ገሊፆም
ኣዲስ ኣበባ፣ 15 ነሓሰ፣ 2015 (ኤፍ ቢ ሲ)ነበር ፕሬዚዳንት ኣሜሪካ ዶናልድ ትራምፕ ኣብ ኣሜሪካ ፕሬዚዳንታዊ ክትዕ ሪፐብሊካን ፓርቲ ከምዘይሳተፉ ገሊፆም።
መንበረ ስልጣኖም ንጆ ባይደን ብምርካብ ካብ ፃዕዳ ቤተ ምንግስቲ ድሕሪ ምስንባቶም÷ ኣብ ዝተፈላለዩ ጉዳያት እናተወንጀሉ ዝፀንሑ ወዲ 77 ዓመት ትራምፕ÷ ንሪፐብሊካን ፓርቲ ብምውካል ንፕሬዚዳንትነት ከምዝወዳደሩ ኣቐዲሞም ምሕባሮም ይዝከር፡፡
ኣብ ቀረባ እዋን ኣብ ዝተገበረ ርኢቶ ህዝቢ ድማ እቶም ፕሬዚዳንት ኣብ 2024 ዝካየድ ፕሬዚዳንታዊ መረፃ ኣሜሪካ ሕፁይ ሪፐብሊካን ንምዃን ልዑል ግምት ተዋሂቡዎም ይርከብ፡፡
ኣብቲ ፓርቲ ንፕሬዚዳንትነት ዝነሓንሑዎም ገዛኢ ፍሎሪዳ ሮን ዴሳንቲስ እንትኾኑ÷ ካብ ህዝቢ ብዝተኣከበ ርኢቶ ትራምፕ ብ62 ሚኢታዊ ግምት ከምዝረኸቡን ሮን ዴሳንቲስ ድማ 16 ሚኢታዊ ከምዝረኸቡን ተገሊፁ፡፡
ይኹን እምበር እቶም ነበር ፕሬዚዳንት ኣብ ማሕበራዊ ሚዲያ ገፆም÷ ኣብዚ ወርሒ ዝካየድ ፕሬዚዳንታዊ ክትዕ ሪፐብሊካን ፓርቲ ከምዘይሳተፉ ኣፍሊጦም፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com