ኣብ ትግራይ ዓቕሚ ቱሪዝም ንምምዕባል ዝተጀመሩ ስራሕቲ ተጠናኺሮም ክቕፅሉ ኢዮም-ሚኒስቴር ቱሪዝም

ኣዲስ ኣበባ፣ 12 ነሓሰ፣ 2015 (ኤፍ ቢ ሲ)ኣብ ክልል ትግራይ ዓቕሚ ቱሪዝም ንምምዕባል ዝተጀመሩ ስራሕቲ ተጠናኺሮም ከምዝቕፅሉ ሚኒስቴር ቱሪዝም ገሊፁ።

ሚኒስትር ቱሪዝም ኣምባሳደር ናሲሴ ጫሊን ካልኦት ሓለፍቲ ስራሕ እቲ ሚኒስቴርን ኣብ ከተማ መቐለ ኣብ ዝርከብ ቤተ መንግስቲ ኣፄ የውሃንስ ዑደት ኣካይዶም።

ድሕሪ እቲ ዑደት ምስ ርእሰ ምምሕዳር ግዚያዊ ምምሕዳር ክልል ትግራይ ኣይተ ጌታቸው ረዳ ብምርኻብ ዓውዲ ቱሪዝም ክብ ምባል ኣብ ዘኽእሉ ዛዕባታት ዘቲዮም።

እቲ ዘተ ኣብ ትግራይ ብዛዕባ ዘሎ እዋናዊ ኩነታት ቱሪዝም፣ ሃፍቲታት ልምዓት ቅርሲን ፓርክን፣ ፕሮሞሽንን ኣብ ቀፃሊ ክስርሑ ዝግበኦም ተግባራትን ዝጠመተ ከምዝነበረ ካብቲ ሚኒስቴር ዝረኸብናዮ ሓበሬታ የረድእ።