መበል 34 በዓል ምስረታ ማሕበር ልምዓት ትግራይ ይኽበር ኣሎ
ኣዲስ ኣበባ፣ 5 ነሓሰ፣ 2015 (ኤፍ ቢ ሲ)መበል 34 ፅምብል በዓል ምስረታ ማሕበር ልምዓት ትግራይ ኣብ ከተማ መቐለ ይኽበር ኣሎ።
እታ ማሕበር 6 ነሓሰ 1981 ዓ.ም ዝተመስረተት እንትትከውን÷ ሎሚ መዓልቲ መበገሲኡ ካብ ዋና ቤት ፅሕፈት ማሕበር ልምዓት ትግራይ ብምግባር ብምርኢት ካርኒቫል ዝተሓገዘ ኣብ ጎደናታት ከተማ መቐለ እናተኸበረ ውዒሉ።
ማልት ንሓድነትን ሕውየትን ትግራይ ዓሊማ ከምዝተጣየሸት ዝሓበሩ ምክትል ዳይሬክተር ዶክተር ተስፋሁነኝ ሃይለማርያም ገሊፆም።
እታ ማሕበር ቅድሚ እቲ ዘጋጠመ ኩይናት ኣብ ብርክት ዝበላ ከባብታት ክልል ትግራይ ኣብ ህንፀት ኣብያተ ትምህርቲን ትካላት ጥዕናን ዝለዓለ ግደ ከምዝነበራ ምግላፆም ካብ ቤት ፅሕፈት ጉዳያት ኮሙዩኒኬሽን ግዚያዊ ምምሕዳር ክልል ትግራይ ዝረኸብናዮ ሓበሬታ የረድእ።
ብምኽንያት እቲ ኩይናት ኣብቶም ትካላት ቁፅሩ ዘይንዓቕ ብርሰት ከምዘጋጠመ ዝሓበሩ ዶክተር ተስፋሁነኝ÷ “መበል 34 ፅምብል ምስረታ እታ ማሕበር እንትነኽብር፤ እቲ ዘጋጠመ ብርሰት ዳግም ንምሕዋይ ኣብ ውሽጢ ዓድን ወፃኢን ዘሎ ትግራዋይ ብምትሕብባር ንፁር ትልሚ ሒዛ ትሰርሕ ኣላ” ኢሎም።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com