ኣይተ ደመቀ መኮንን ምስ ፍልይቲ ልእኽቲ ሕብረት ኣውሮፓ ኣብ ምብራቕ ኣፍሪካ ተዛቲዮም
ኣዲስ ኣበባ፣ 28 ሓምለ፣ 2015 (ኤፍ ቢ ሲ)ምክትል ቀዳማይ ሚኒስትርን ሚኒስትር ጉዳያት ወፃኢን ደመቀ መኮንን ምስ ፍልይቲ ልእኽቲ ሕብረት ኣውሮፓ ኣብ ምብራቕ ኣፍሪካ ኣኔት ዌበር (ዶ/ር) ኣብ ቤት ፅሕፈቶም ተዛቲዮም።
ኣይተ ደመቀ ኣብቲ እዋን ዘተ÷ ኣብ ኢትዮጵያ ሰላም ንኽፀንዕ መንግስቲ እናገበሮ ዝርከብ ፃዕሪን ናይ ስግግር ፍትሒን ኣብ ዝምልከት መንግስቲ እናሳለጦ ዝርከብ ተግባር ኣመልኪቶም መብርሂ ሂቦም፡፡
ካብዚ ብተወሳኺ ብኲናት ጉድኣት ዝበፅሖም መሰረተ ልምዓታት መሊስካ ንምህናፅን ዝተመዛበሉ ወገናት ንምጥያሽን እናሰተርሐ ከምዝኾነ ሓቢሮም።
መንግስቲ ዝተገበረ ስምምዕ ሰላም ሙሉእ ብሙሉእ ንምትግባር ዝገብሮ ፃዕሪ ብቆራፅነት እናፈፀመ ከምዝርከብ እውን ተዛሪቦም።
መንግስቲ እናበሮ ኣብ ዝርከብ ፃዕሪ÷ ከም ሕብረት ኣውሮፓ ዝበሉ መሓዙት ኣካላት ሓገዝ ንኽገብሩ ሓቲቶም።
ኩነታ ሱዳን ኣብ ዝምልከት ድማ እቲ ፀገም ብዘላቕነት ክፍታሕ ዝኽእል ብዝርርብን ብልዝብን ከምዝኾነ ኢትዮጵያ ከም ጎረቤት ሃገር ከምትኣምነሉ ዝገለፁ እቶም ሚኒስትር÷ ሰላም ንምርግጋፅ ኣብ ዝግበር ፃዕሪ ብሱዳናውያን ክምራሕ ከምዝግበኦ ምግላፆም ካብቲ ሚኒስቴር ዝረኸብናዮ ሓበሬታ የረድእ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com